بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى جەتىسۋ اۋدانىنىڭ اكىمى گۇلنار كوكەبايەۆا ايتتى، دەپ حابارلايدى Almaty-akshamy.kz
سپيكەر اۋداننىڭ كەز كەلگەن تۇرعىنى «بيۋدجەتكە قاتىسۋ» جوباسى اياسىندا اۋلانى، كوشەنى نەمەسە سكۆەردى اباتتاندىرۋ بويىنشا ءوز يدەياسىن ۇسىنا الاتىنىن ەسكە سالدى.
ەگەر باستامانى تۇرعىندار داۋىس بەرۋ بارىسىندا قولداسا، ول قالالىق بيۋدجەت ەسەبىنەن جۇزەگە اسىرىلادى.
نەگىزىنەن جەتىسۋ اۋدانىنىڭ اۋلالارى مەن قوعامدىق كەڭىستىكتەرىن جوندەۋ جانە رەكونسترۋكسيالاۋ بويىنشا ۇسىنىستار ءتۇستى.
«وسى باعدارلاما اياسىندا اعىمداعى جىلى 7 قوعامدىق كەڭىستىك جوندەۋدەن ءوتتى، ونىڭ تورتەۋىنىڭ ورنىندا بۇرىن قاراۋسىز قالعان ۋچاسكەلەر مەن اۆتوموبيل جولدارى بولدى. 101 مەكەنجاي بويىنشا بالالار جانە سپورت الاڭدارىنا اعىمداعى جوندەۋ جۇرگىزىلدى، سونداي-اق تۇرعىنداردىڭ كوپتەگەن وتىنىشتەرى بويىنشا جەكە سەكتوردا 11 الاڭ سالىندى»، - دەدى اۋدان اكىمى.
سونداي-اق، بۇلقىشيەۆ، ستولەتوۆ، تايروۆ، كازاكوۆ، قازىبايەۆ، راتۋشنىي كوشەلەرى، "كوكمايسا"، "قۇلاگەر" شاعىناۋداندارى، ماكارەنكو كوشەسىندە، ابىلاي حان، رىسقۇلوۆ، سەيفۋللين، رايىمبەك، ءسۇيىنباي داڭعىلدارى، پولەجايەۆ، جانسۇگىروۆ، تۋزوۆ، اقپايەۆ، پاۆلودار، سولتۇستىك اينالىم كوشەلەرى، گەولوگتار، بەسپاقوۆ، بوكەيحانوۆ كوشەلەرى بويىنشا اۋلا اۋماقتارىنا اعىمداعى جوندەۋ جۇرگىزىلدى. "كوكجيەك" شاعىناۋدانىنداعى سپورت الاڭى جانە "اينابۇلاق-4" شاعىناۋدانىنداعى 167 ءۇيدىڭ بالالار الاڭى جوندەلدى.
جەكە سەكتوردىڭ 11 مەكەنجايىندا بالالار الاڭدارى پايدا بولدى.