جەتىسۋ اۋدانىنىڭ اقتولقىن كوشەسى، 12 مەكەنجايداعى كوپ قاباتتى ۇيدەگى ءورتتىڭ سەبەپتەرىن تەكسەرۋ الماتى قالاسىنىڭ اكىمى باقىتجان ساعىنتايەۆتىڭ جەكە باقىلاۋىندا.
باقىتجان ساعىنتايەۆ جەتىسۋ اۋدانىنداعى تۇرعىن ۇيدەن شىققان ءورتتىڭ سەبەپتەرىن انىقتاۋدى تاپسىردى، دەپ حابارلايدى Almaty-akshamy.kz اكىمدىكتىڭ باسپا ءسوز قىزمەتىنە سىلتەمە جاساپ.
13 وتباسى باسپاناسىز قالدى، ونىڭ جەتەۋى تۋىستارىنىڭ ۇيلەرىندە. التى وتباسىنىڭ 23 مۇشەسى ۋاقىتشا قوناقۇيلەرگە ورنالاستىرىلعان. ب. ساعىنتايەۆتىڭ تاپسىرماسى بويىنشا ولارعا بارلىق قاجەتتى كومەك كورسەتىلۋدە، ونىڭ ىشىندە گيگيەنا بۇيىمدارى مەن تاعامدار بار. مەكتەپ جاسىنداعى بالالارعا وقۋ جىلىنا دايىندالۋعا كومەك كورسەتىلەدى.
ءورتتىڭ شىعۋ سەبەپتەرى مەن كوميسسيا قورىتىندىسى انىقتالعان سوڭ، وسى ءۇيدىڭ تۇرعىندارىنىڭ باسپانا ماسەلەسى بويىنشا شەشىم قابىلدانادى.