عالىمدار ءبىر اي بويى نان جەمەۋدىڭ سوڭى نەگە اكەلەتىنىن ايتتى.
ءبىر اي بويى راسيونىڭىزدان ناندى الىپ تاستاساڭىز، ارينە، ەڭ الدىمەن سالماق جوعالتاتىنىڭىز انىق. سوندىقتان مۇنداي تاسىلگە كوبىنەسە ارتىق سالماقپەن قوش ايتىسقىسى كەلەتىندەر جۇگىنىپ جاتادى. ءبىراق نان ونىمدەرىنەن ۇزىلدى-كەسىلدى باس تارتۋ اعزاعا زيان، دەپ حابارلايدى Almaty-akshamy.kz Baq.kz-كە سىلتەمە جاساپ.
مەديسينا كونسۋلتانتى، دارىگەر ۋساما ابۋ ار-رۋب ناننان باس تارتساڭىز، سالماعىڭىز ازايىپ قانا قويماي، ورگانيزمدەگى سۋ دا ازايادى دەيدى. سەبەبى اعزاعا كومىرسۋ از تۇسسە، بۇلشىقەت پەن باۋىرداعى گليكوگەن تۇرىندە جينالعان ەنەرگيا قورى جاعىلا باستايدى. وسىنىڭ سالدارىنان ورگانيزمنەن ارتىق سۋ شىعىپ، سالماق ازايادى. سونداي-اق تابەت تە تومەندەيدى. ونى عالىمدار ناننىڭ قۇرامىندا بولاتىن رافينادتالعان كومىرسۋلاردىڭ قانداعى قانت دەڭگەيىن بىردەن كوتەرەتىندىگىمەن بايلانىستىرىپ وتىر. ونداي جاعدايدا ورگانيزم ونى بىردەن ءينسۋليننىڭ كومەگىمەن تومەندەتۋگە تىرىسىپ، ناتيجەسىندە ادام قارنى اشقانىن تۇسىنەدى.
عالىمدار ناننان تولىقتاي باس تارتۋ ورگانيزمگە زياندى ەكەندىگىن العا تارتتى. سەبەبى ناننىڭ قۇرامىندا بولاتىن تۇتاس ءداندى ۇن ماگنيي مەن ۆ توبى دارۋمەندەرىنىڭ جانە اعزاعا قاجەتتى وزگە دە پايدالى زاتتاردىڭ قاينار كوزى ەكەنى انىق. سونىمەن قاتار قانداعى حولەستەرين دەڭگەيىن قالىپتا ۇستاپ، جۇرەك اۋرۋلارىنىڭ، ينسۋلت، سەمىزدىك، 2ء-تيپتى ديابەتتىڭ الدىن الۋعا كومەكتەسەدى.
دەنساۋلىعىڭىزدى ساقتاۋ ءۇشىن تەك رافينادتالعان ۇننان جاسالاتىن اق ناندى شەكتەۋ جەتكىلىكتى كورىنەدى.