جەتىسۋ اۋدانى تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ الەۋمەتتىك ينفراقۇرىلىمدى دامىتۋ جۇمىستارى تۋرالى ايتتى.
قالا باسشىسىنىڭ مالىمدەۋىنشە، اۋدان حالقىنىڭ ءوسۋىن ەسكەرە وتىرىپ، وقۋشى ورىندارىنىڭ تاپشىلىعىن ازايتۋ ماقساتىندا مەكتەپتەر مەن بالاباقشالاردى سالۋ جانە رەكونسترۋكسيالاۋ جۇمىستارى جۇيەلى تۇردە جۇرگىزىلىپ كەلەدى.
ايتا كەتەيىك، بۇگىندە اۋداندا 3،3 مىڭ وقۋشى ورنى جەتىسپەيدى. بۇل ماسەلەنى شەشۋ ءۇشىن 2024 جىلدىڭ قىركۇيەگىندە №103 مەكتەپكە 200 ورىندىق قوسىمشا عيمارات سالىندى.
«جايلى مەكتەپ» ۇلتتىق جوباسى اياسىندا بورالداي كوشەسىندە 1 200 ورىندىق جاڭا مەكتەپتىڭ قۇرىلىسى جالعاسۋدا. ونىڭ اشىلۋى 2025 جىلدىڭ قىركۇيەگىنە جوسپارلانعان»، – دەدى ەربولات دوسايەۆ.
بۇعان قوسا، №43 مەكتەپكە 280 ورىندىق قوسىمشا عيمارات سالۋ ءۇشىن 2024 جىلدىڭ شىلدە ايىندا جسق ازىرلەۋ باستالدى. مەملەكەتتىك ساراپتامانىڭ قورىتىندىسىن العان سوڭ بيىل تامىزدا قۇرىلىس جۇمىستارى باستالادى. نىساندى 2026 جىلدىڭ شىلدە ايىندا اياقتاۋ جوسپارلانىپ وتىر.
№112 مەكتەپكە 300 ورىندىق قوسىمشا عيمارات سالۋ جۇمىستارى بۇعان دەيىن «SheberBuild» جشس-نىڭ كەلىسىمشارتتىق مىندەتتەمەلەردى ورىنداماۋىنا بايلانىستى توقتاتىلعان بولاتىن. 2024 جىلدىڭ ناۋرىزىندا جاڭا مەردىگەر انىقتالىپ، قۇرىلىس قايتا جالعاسادى. قوسىمشا قۇرىلىستى اياقتاۋ جاڭا وقۋ جىلى باستالعانعا دەيىن جوسپارلانۋدا.
قوسىمشا عيمارات قۇرىلىسى اياقتالعاننان كەيىن نەگىزگى مەكتەپ عيماراتىن رەكونسترۋكسيالاۋ جۇمىستارى باستالادى.
قابىلدانىپ جاتقان شارالاردىڭ ارقاسىندا الماتى مەكتەپتەرىن ءبىر اۋىسىمدى وقۋ جۇيەسىنە كوشىرۋ جالعاسۋدا. كەلەسى وقۋ جىلىندا 200-دەن استام مەملەكەتتىك مەكتەپتىڭ 43ء-ى ءبىر اۋىسىمدى وقىتۋ جۇيەسىنە (ءوسىم 12،5%-دان 18،4%-عا دەيىن) كوشەدى.
مەكتەپ ينفراقۇرىلىمىن دامىتۋعا ەرەكشە نازار اۋدارىلىپ وتىر. بىلتىر 89 مەكتەپكە 168 جاڭا ۇلگىدەگى پاندىك كابينەت ساتىپ الىندى، بۇل زاماناۋي جابدىقتالعان كابينەتتەردىڭ ۇلەسىن 86،3%-عا دەيىن ارتتىردى.
سونىمەن قاتار، جەتىسۋ اۋدانىنداعى مەكتەپكە دەيىنگى ۇيىمدارداعى ورىن تاپشىلىعىن ازايتۋ ءۇشىن بىلتىر اينابۇلاق شاعىن اۋدانىندا 160 ورىندىق جاڭا بالاباقشا اشىلدى. وسى جىلدىڭ تامىزىندا №163 بالاباقشا عيماراتىن 380 ورىنعا قايتا جاڭارتۋ جانە راتۋشنىي كوشەسى، 139 مەكەنجايىنداعى 280 ورىندىق بالاباقشا ءۇشىن ساتىپ الىنعان عيماراتتى رەكونسترۋكسيالاۋ جۇمىستارى باستالادى.
قۇرىلىس-مونتاج جۇمىستارى 2026 جىلدىڭ ەكىنشى توقسانىندا اياقتالادى.