جەتىسۋ اۋدانىندا زاماناۋي يننوۆاسيالىق شىعارماشىلىق ورتالىعىن سالۋ بويىنشا جوبالاۋ-سمەتالىق قۇجاتتاما (جسق) ازىرلەنىپ جاتىر. بۇل تۋرالى الماتى اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
بۇعان دەيىن جەتىسۋ اۋدانىندا مۇنداي شىعارماشىلىق دامۋ ورتالىعى بولماعان.
«العاشقى يننوۆاسيالىق شىعارماشىلىق ورتالىعى اينابۇلاق شاعىن اۋدانىندا سالىنادى. قازىرگى ۋاقىتتا جسق ازىرلەۋ اياقتالىپ، 2025 جىلدىڭ شىلدە ايىندا مەملەكەتتىك ساراپتامانىڭ قورىتىندىسى شىقپاق»، – دەدى قالا باسشىسى.
قۇرىلىس-مونتاج جۇمىستارى بيىلعى جىلدىڭ ءتورتىنشى توقسانىندا بايقاۋ راسىمدەرىنەن كەيىن باستالادى.
ايتا كەتەيىك، وسىنداي ورتالىقتار الماتىنىڭ ناۋرىزباي جانە الاتاۋ اۋداندارىندا اشىلعان. ءار ورتالىق اپتاسىنا 5 000 بالاعا دەيىن قابىلداي الادى.
قازىرگى ۋاقىتتا شاھاردا 28 680 بالا ءبىلىم الاتىن 19 مەملەكەتتىك قوسىمشا ءبىلىم بەرۋ ۇيىمى بار.