جەتىسۋ اۋدانى تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ جول-كولىك ينفراقۇرىلىمىن جاڭارتۋ جانە جولاۋشىلار تاسىمالى ساپاسىن ارتتىرۋ جۇمىستارى تۋرالى ايتتى، دەپ حابارلايدى aqshamnews.kz
شاھار باسشىسى بىلتىر اۋداندا 21 كم بولاتىن 29 كوشە ورتاشا جوندەۋدەن وتكەنىن، بيىل 36 كوشەدە 19 شاقىرىم جولدى جوندەۋ جوسپارلانىپ وتىرعانىن جەتكىزدى.
سونىمەن قاتار، اعىمداعى جوندەۋ اياسىندا 2024 جىلى 30 مىڭ ش.م. جول جابىنى جاڭارتىلدى، ال وسى جىلى تاعى 35 مىڭ ش.م. جول جوندەلمەك. بىلتىر 34 شاقىرىم ارىق جۇيەسىن سالۋ ناتيجەسىندە اۋدانداعى بارلىق سۋ باسۋ ءقاۋپى بار ايماقتار جويىلدى.
«بىلتىر جولىمبەت كوشەسىندەگى ەسەنتاي وزەنىندەگى كوپىردى تەكسەرۋ ناتيجەسىندە بەتون قۇرىلىمداردىڭ قاتتى زاقىمدانعانى جانە تىرەكتەردە جارىقتار پايدا بولعانى انىقتالدى. نەبارى 6 اي ىشىندە جاڭا كوپىر سالىنىپ، جول ەنى 8 مەتردەن 14 مەترگە دەيىن كەڭەيتىلدى. 2025 جىلدىڭ ماۋسىمىندا سەيفۋللين داڭعىلى مەن جانسۇگىروۆ كوشەسىنىڭ قيىلىسىنداعى جولايىرىقتىڭ قۇرىلىسى اياقتالادى. بۇل كولىك تورابىنىڭ وتكىزۋ قابىلەتى 20%-عا ارتىپ، جەتىسۋ اۋدانىنىڭ باسقا بولىكتەرمەن بايلانىسىن ايتارلىقتاي جاقسارتادى»، – دەدى ەربولات دوسايەۆ.
كەزدەسۋ بارىسىندا الماتى اكىم اۋداننىڭ قوعامدىق كولىك قىزمەتىن جاقسارتۋ بويىنشا اتقارىلىپ جاتقان جۇمىستاردى اتادى. وتكەن جىلى قالاداعى اۆتوبۋستار سانى 1 509-دان 1 740-قا دەيىن كوبەيتىلدى، بۇل 11 جاڭا مارشرۋت اشۋعا جانە 44 قولدانىستاعى باعىتتى كۇشەيتۋگە مۇمكىندىك بەردى.
جالپى، بيىل قالالىق قوعامدىق كولىكتىڭ قولجەتىمدىلىگىن ارتتىرۋ ماقساتىندا تاعى 800 جاڭا اۆتوبۋس ساتىپ الۋ جوسپارلانىپ وتىر.