ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، ەل حالقىنىڭ 96% تازا اۋىز سۋمەن قامتاماسىز ەتىلگەن.
قازاقستان اۋىلدارىنىڭ 40 پايىزىندا ءالى كۇنگە دەيىن ورتالىق سۋ قۇبىرى جوق، دەپ حابارلايدى Almaty-akshamy.kz «حابار 24» ارناسىنا سىلتەمە جاساپ.
ءمينيستردىڭ مالىمدەمەسى قوعامدا سۇراق تۋدىردى، ويتكەنى سۋمەن قامتۋعا قاتىستى شاعىم سانى كۇننەن كۇنگە ارتۋدا.
ءمينيستردىڭ ايتۋىنشا، بارلىق قازاقستاندىقتار سۋدى قانداي دا ءبىر دارەجەدە قۇدىقتار ارقىلى الىپ، ءوز ۇڭعىمالارىن جاسايدى.
«سۋمەن قامتۋ... ەگەر جەرگىلىكتى كەن ورنى بولسا، وندا جاقسى. ەگەر جوق بولسا، وندا ادامدار ول جەردەن كەتۋگە ءماجبۇر بولادى. بىزدە جىل سايىن بىرنەشە اۋىلدار وسىلاي بوساپ جاتىر»، – دەپ اتاپ ءوتتى ۇلتتىق ەكونوميكا مينيسترلىگىنىڭ ايماقتىق دامۋ دەپارتامەنتىنىڭ ديرەكتورى داۋرەن جامبايبەك.
ونىڭ ايتۋىنشا، ەلدەگى بارلىق ەلدى مەكەنگە سۋ تارتۋ مۇمكىن ەمەس جانە ونىڭ قاجەتى دە جوق.
مامان ينفراقۇرىلىمدى جۇرگىزۋدەن گورى، ادامداردى ءىرى اۋىلدارعا كوشىرۋ تيىمدىرەك بولاتىنىن ايتتى.