بيىل جالپى ۇزىندىعى 23،8 شاقىرىم ينجەنەرلىك جەلىلەر، ونىڭ ىشىندە 19،3 شاقىرىم سۋمەن جابدىقتاۋ، 4،5 شاقىرىم سۋ بۇرۋ قۇبىرلارى تارتىلدى.
جەتىسۋ اۋدانىنىڭ اكىمى گۇلنار كوكەبايەۆا وڭىرلىك كوممۋنيكاسيالار قىزمەتى الاڭىندا ءسوز سويلەپ، حالىقتىڭ ءومىر ءسۇرۋ ساپاسىن ارتتىرۋ ءۇشىن ينفراقۇرىلىمدار جاڭارىپ، جولدار جوندەلىپ، ارىق جۇيەسى رەتتەلگەنىن ايتتى، دەپ حابارلايدى Almaty-akshamy.kz
اكىمدىك گازداندىرۋ قارقىنىن ارتتىرۋدى جالعاستىرۋدا جانە بۇل ءىس-شارالاردى اباتتاندىرۋمەن ۇيلەستىرۋدە. جەتىسۋ اۋدانىندا 521 كم ماگيسترالدىق گاز جەلىلەرى وتەدى، ياعني حالىقتىڭ 99،6%-ى تابيعي گازبەن قامتاماسىز ەتىلگەن.
سونىمەن قاتار، وسى جىلى تايمىر كوشەسىندەگى 47 ءۇي بۇرىن «كەدەنترانسسەرۆيس» ج ش س ەلەكترمەن جابدىقتاۋدىڭ قالالىق جەلىلەرىنە قوسىلدى.
گۇلنار كوكەبايەۆا جالپى ۇزىندىعى 17،9 كم بولاتىن 10 كوشەگە اسفالت توسەۋ جۇمىستارى تولىق اياقتالعانىن، سونىمەن قاتار، جالپى ۇزىندىعى 17،3 كم بولاتىن 23 كوشەگە ينجەنەرلىك جەلىلەردى توسەگەننەن كەيىن اسفالت قالپىنا كەلتىرىلگەنىن حابارلادى. جىل باسىنان بەرى 107 كوشەنى قامتي وتىرىپ، 38 مىڭ شارشى مەتردەن استام شۇڭقىرلاردى جوندەۋ جۇمىستارى جۇرگىزىلدى.
ۇزىندىعى 108،9 كم 75 كوشەدە تروتۋارلار سالىندى، 2021 جىلى ۇزىندىعى 4،8 كم 14 مەكەنجاي بويىنشا قوسىمشا تروتۋارلار سالىندى.