جۇمىستار كەلەسى وقۋ جىلىنىڭ باسىندا اياقتالادى.
اۋدان مەكتەپتەرىندەگى وقۋشى ورىندارىنىڭ تاپشىلىعىن قىسقارتۋ ماقساتىندا 3 مەكتەپكە قوسىمشا قۇرىلىس سالۋ جۇمىستارى جۇرگىزىلۋدە، دەپ حابارلايدى Almaty-akshamy.kz
وسى قىركۇيەك ايىندا №148 مەكتەپتە 300 ورىندىق قوسىمشا قۇرىلىس سالۋ باستالدى. سونداي-اق، قازان ايىندا №101 مەكتەپتىڭ اكت زالىن سالۋ باستالدى، ول دا 2023 جىلدىڭ تامىز ايىندا اياقتالادى.
بيىلعى قازان ايىندا №112 مەكتەپكە 300 ورىندىق، №103 مەكتەپكە 200 ورىندىق قوسىمشا قۇرىلىس سالۋ جوبالارىنا ساراپتاما قورىتىندىسى الىندى، قۇرىلىسىن
2023 جىلدىڭ ءى-شى توقسانىندا باستاۋ جوسپارلانعان.
وسى قاراشا ايىندا №129 مەكتەپتە سەيسميكالىق كۇشەيتە وتىرىپ، كۇردەلى جوندەۋ جۇمىستارى اياقتالدى.
قازان ايىندا № 80 مەكتەپتە كۇردەلى جوندەۋ جۇمىستارى باستالدى، جۇمىستار 2023 جىلدىڭ ءىVء-شى توقسانىندا اياقتالادى.
مەكتەپكە دەيىنگى ۇيىمدارداعى ورىن تاپشىلىعىن قىسقارتۋ ماقساتىندا 440 ورىندىق 2 بالاباقشانىڭ قۇرىلىس-مونتاجداۋ جانە جوبالاۋ جۇمىستارى جۇرگىزىلۋدە.
«اينابۇلاق-4» شاعىن اۋدانىندا 160 ورىندىق بالاباقشانىڭ قۇرىلىسى باستالدى. قۇرىلىسى كەلەسى جىلدىڭ ماۋسىم ايىندا اياقتالادى.
وسى جىلدىڭ ماۋسىم ايىندا جەكە مەنشىكتە بولعان ەكى قاباتتى اكىمشىلىك عيمارات ساتىپ الىندى. قازىرگى ۋاقىتتا 280 ورىندىق بالاباقشانى كۇردەلى جوندەۋ ءۇشىن جوبالاۋ-سمەتالىق قۇجاتتاما ازىرلەنۋدە. جوبالاۋ جەلتوقساندا اياقتالىپ، قۇرىلىسى 2023 جىلدىڭ Iء-شى توقسانىندا باستالادى. بۇل مەكتەپكە دەيىنگى مەكەمەگە راتۋشنىي-قازىبايەۆ-سەرىكوۆ-رىسقۇلوۆ كوشەلەرىندە تۇراتىن بالالار بارا الادى.