كوشەلەردى سۋ باسۋ ماسەلەسى بىرتىندەپ شەشىمىن تاپپاق
بۇل جايىندا الماتى اكاما ەربولات دوسايەۆتىڭ جەتىسۋ اۋدانىنىڭ تۇرعىندارىمەن وتكەن كەزدەسۋدە ايتىلدى، دەپ حابارلايدى Almaty-akshamy.kz.
وتكەن كەزدەسۋلەردە جەتىسۋ اۋدانىنىڭ تۇرعىندارى جەكە سەكتوردى، اتاپ ايتقاندا رابوچيي كەنتىندەگى سۋ باسۋ ماسەلەسىن كوتەرگەن بولاتىن.
اۋدان اكىمدىگىنىڭ كۇشىمەن بريۋسوۆ كوشەسىندەگى ۇيلەردى ۇنەمى سۋ باسۋ پروبلەماسى جويىلدى.
قوسىمشا 16 مەكەنجايدا ۇزىندىعى 7،1 كم ارىق رەكونسترۋكسيالاندى.
سونىمەن قاتار اۋداندا قاتتى جاۋىن جاۋعان كەزدە تۇراقتى سۋ باساتىن 8 ۋچاسكە بار.
توتەنشە جاعداي جەلىسى بويىنشا بۇل پروبلەمانى شەشۋ ءۇشىن ۇزىندىعى 7،2 كم ارىق جەلىسىن سالۋ، 2،2 كم كوللەكتوردى قالپىنا كەلتىرۋ جانە 2،5 كم ەسەنتاي كانالىندا تازارتۋ جۇمىستارى جۇرگىزىلۋدە. بۇل جۇمىستاردى جىل سوڭىنا دەيىن اياقتاۋ جوسپارلانعان.
كەلەسى جىلى ەكولوگيا جانە قورشاعان ورتا باسقارماسىنىڭ جەلىسى بويىنشا ۇزىندىعى 27 كم بولاتىن 27 ۋچاسكەگە ارىق جەلىلەرىن سالۋ جوسپارلانعان.