جەتىسۋ الاتاۋىندا قار بارىسى مەن ارقارلار ۆيدەوعا ءتۇسىپ قالدى

قىزىل كىتاپقا ەنگەن ارقارلار مەن ايۋلار ءتۇسىرىپ الىنعان

جەتىسۋ تاۋلارىندا قار بارىسى كوزگە ءتۇستى. بۇل جايىندا «تابيعات» اڭشىلار قوعامدىق بىرلەستىكتەرىنىڭ رەسپۋبليكالىق قاۋىمداستىعى ءمالىم ەتتى، دەپ حابارلايدى Almaty-akshamy.kz.

"ناۋرىز ايىنىڭ سوڭىندا «تابيعات» قاۋىمداستىعى زوولوگ عالىمدارمەن، اڭشىلارمەن جانە اڭشىلىق شارۋاشىلىق مۇشەلەرىمەن بىرلەسىپ جەتىسۋ الاتاۋىندا جانۋارلارعا مونيتورينگ جۇرگىزگەن"، - دەپ جازدى قازاقپارات.

«مۇندا اڭشىلىق شارۋاشىلىقتارىنىڭ اۋماعىندا «تۇراقتى ءتۋريزمدى دامىتۋ» جوباسى اياسىندا قار بارىسى مەن باسقا دا سۇتقورەكتىلەردىڭ سانىن ەسەپكە الۋ جۇمىسى جالعاسىپ جاتىر. ناتيجە وتە جاقسى، ونداعان كامەرا سيرەك كەزدەسەتىن جىرتقىشتاردى تىركەدى. بۇكىل دەرەكتەر ماماندارعا بەرىلەدى»، - دەپ حابارلادى قاۋىمداستىقتان.

بەينەتۇزاقتان اقپارات الۋدان بولەك، جانۋارلاردى ۆيزۋالدى ەسەپكە الۋ دا ۇمىت قالمايدى.

بۇل پروسەسس بارىسىندا سيرەك كەزدەسەتىن اڭدار، اتاپ ايتقاندا، قىزىل كىتاپقا ەنگەن ارقارلار مەن ايۋلار ءتۇسىرىپ الىنعان.

اتالعان جوبا CEPF جانە WWF اتتى حالىقارالىق ەكولوگيا قورلارىنىڭ قولداۋىمەن جۇزەگە اسىپ جاتىر.