جەتىسايدا زاماناۋي جاڭا بازار سالىنادى. بۇل تۋرالى تۇركىستان وبلىسى اكىمىنىڭ ورىنباسارى ساكەن قالقامانوۆ ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
ورتەنگەن بازار ورنىندا بولىپ، Facebook جەلىسى ارقىلى تىكەلەي ەفيرگە شىققان ساكەن قالقامانوۆ قازىرگى تاڭدا جۇرگىزىلىپ جاتقان جۇمىستاردىڭ بارىسىمەن تانىستىردى.
«جەتىسايداعى بازاردا قارقىندى جۇمىس باستالدى. جۇك كولىكتەرى جەتكىلىكتى. قاجەتتى تەحنيكا ەكى اۋداننان جۇمىلدىرىلدى. بىر-ەكى كۇندە ءورت قالدىقتارىنان تازارتىلادى. پاراللەلدى ءتۇردى جاڭا بازاردىڭ ەسكيزدىك پروەكتىسى جاسالىپ جاتىر. الداعى ۋاقىتتا زاماناۋي جاڭا بازار سالىنادى. وندا زارداپ شەككەن ساتۋشىلار جايعاسادى جانە ولاردان 1 جىل بويى ورىندى جالعا الۋ اقىسى الىنبايدى»، - دەدى ول.
سونداي-اق ول كاسىپكەرلەردىڭ شىعىنىن وتەپ بەرۋ ماقساتىندا «تۇركىستان» كورپوراتيۆتىك الەۋمەتتىك دامۋ قورى اشىلعانىن جەتكىزدى.
«ۇلكەن شىعىنداردى وتەپ بەرۋ ءىسىنىڭ جالعىز جولى بار. جەكەمەنشىك مۇلىك بولعان سوڭ زاڭ بويىنشا بيۋدجەتتەن قارجى قاراي المايمىز. سوندىقتان قوردى جاريالادىق. ءقازىر سول قور ارقىلى قارجى جينالۋدا. سونداي-اق بازاردىڭ يەلەرىنەن ۇلكەن سومانى جابۋدى تالاپ ەتىپ وتىرمىز»، - دەدى ساكەن قالقامانوۆ.
قازىرگى كەزدە وقيعا ورنىندا ءورت قالدىقتارىنان تازارتۋ جۇمىستارى تاۋلىك بويى ءجۇرىپ جاتىر. قىزىل جالىننان زاقىم كەلگەن 900 شارشى مەتر جەر جىلدام رەتتەلۋ ءۇشىن 6 سەكتورعا ءبولىندى. ءار سەكتوردا جەتىسايعا جاقىن ورنالاسقان ماقتاارال، سارىاعاش، كەلەس، شاردارا، جەتىساي، قازىعۇرت اۋداندارىنان كەلەتىن قۇرىلىسشىلار جۇمىس ىستەيدى. قۇرىلىس جۇمىستارى 1 ايدا تولىق بىتەدى دەپ جوسپارلانىپ وتىر.
ەسكە سالايىق، 26 تامىزدا جەتىسايداعى «كۇلپارشىن» بازارىنان ءورت شىقتى. سالدارىنان 450-گە جۋىق كاسىپكەردىڭ زاتتارى تولىعىمەن جانىپ كەتتى.
كەيىن كاسىپكەرلەر ورتالىق كوشەنى جاۋىپ، بازار اكىمشىلىگىنەن نىساندى تەزدەتىپ اشۋدى تالاپ ەتتى. وقيعا ورنىنا وبلىس اكىمىنىڭ ورىنباسارى ساكەن قالقامانوۆ باردى.