قازاقستان فۋتزال قاۋىمداستىعى جۇمىسىن قايتا باستايدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءتورت جىل وتكەننەن كەيىن قازاقستان فۋتزال قاۋىمداستىعىنىڭ جۇمىسى قايتا باستالدى. ونىڭ باسشىسى بولىپ ەلگە تانىمال پەداگوگ، الماتى مەملەكەتتىك ەنەرگەتيكا جانە ەلەكتر تەحنولوگيالارى كوللەدجىنىڭ ديرەكتورى تولەۋعالي تايتولەيەۆ تاعايىندالدى.
قازاقستان فۋتبول فەدەراسياسى (قفف) مەن فۋتزال قاۋىمداستىعى اراسىندا كەلىسىمشارت جاسالىپ، وعان سايكەس قفف قازاقستان چەمپيوناتىن، كۋبوگىن جانە سۋپەركۋبوگىن وتكىزۋ وكىلەتىن بەرەدى.
6 قىركۇيەكتە «قايرات» پەن «ايات» اراسىنداعى قازاقستان سۋپەركۋبوگىنىڭ ماچىمەن جاڭا ماۋسىم باستالادى. كەلەسى كۇنى ەل كۋبوگىنىڭ جالاۋى جەلبىرەيدى. وعان سەگىز كوماندا قاتىسادى.
وسى جىلدىڭ قازان ايىندا قازاقستان قۇراماسى 2024 جىلعى الەم چەمپيوناتىنىڭ ىرىكتەۋ ماچتارىن وتكىزەدى.