كۇدىكتىلەر قاماۋدا وتىر.
الماتى پوليسياسى جەتى ۇرلىققا قاتىسى بار كۇدىكتىلەردى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەدەل ۋاكىلدەر ۇرلانعان زاتتى ساتىپ الۋشىنى جامبىل وبلىسى قورداي اۋدانىندا ۇستادى. قولدا بار مالىمەتتەر بويىنشا، ول قىرعىزستان شەكاراسىنان ءوتىپ، الماتى تۇرعىندارىنا ۇرلانعان تەلەفونداردى ساتپاق بولعان.
«سونىمەن قاتار قىلمىستىق توپتىڭ تاعى ءۇش مۇشەسى: ءبىر ساتىپ الۋشى مەن ەكى ورىنداۋشى ۇستالدى. ولاردىڭ مىندەتتەرىنە بوتەننىڭ مۇلكىن جاسىرىن جولمەن ۇرلاۋ كىردى. ءقازىر ولاردىڭ جەتى ۇرلىققا قاتىسى بار ەكەنى انىقتالدى. مۇز ايدىنىندا ءبىر دەرەك تىركەلدى، قالعان تەلەفونداردى كۇدىكتى قوعامدىق كولىك جولاۋشىلارىنىڭ قالتاسىنان شىعارىپ العان»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. تاركىلەنگەن تەلەفوندار سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 188-بابىمەن تىركەلدى.