تاۋلىك سايىن رەسپۋبليكا بويىنشا ورتا ەسەپپەن 80-100 مىڭ ادام ەگىلەدى.
ۆاكسيناسيادان وتكەن قازاقستاندىقتار تۋرالى ورتالىق كوممۋنيكاسيالار قىزمەتىندە وتكەن ونلاين بريفينگ بارىسىندا ينفەكسيالىق اۋرۋلاردى ەپيدەميولوگيالىق قاداعالاۋ ءبولىمىنىڭ باسشىسى روزا قوجاپوۆا ايتىپ بەردى، دەپ حابارلايدى Almaty-akshamy.kz.
مامانداردىڭ ايتۋىنشا، بۇگىنگى تاڭدا قازاقستان رەسپۋبليكاسىندا كوروناۆيرۋستىق ينفەكسياعا قارسى ۆاكسينانى 7،1 ملن ادام العان، ونىڭ ىشىندە ءبىرىنشى كومپونەنت – 4 601 830 ادام، بۇل ءتيىستى حالىقتىڭ 46،5% - ىن قۇرايدى. ەكىنشى كومپونەنتپەن 2 541 853 ادام قامتىلعان. ەگۋ پۋنكتتەرىندە ۆاكسينا جەتكىلىكتى: ءبىرىنشى كومپونەنتتىڭ شامامەن 753 مىڭى جانە ەكىنشى كومپونەنتتىڭ 1 ملن. 280 مىڭى بار. تاۋلىك سايىن رەسپۋبليكا بويىنشا ورتا ەسەپپەن 80-100 مىڭ ادام ەگىلەدى.
«ۆاكسينالاۋ - ۆيرۋستىڭ تارالۋىن ازايتۋدىڭ جانە بۇرىنعى ءومىر سالتىنا، جۇمىسقا، قارىم - قاتىناسقا، وتباسىلىق داستۇرگە جانە ساياحاتقا ورالۋدىڭ جالعىز ءتاسىلى»، - دەدى ينفەكسيالىق اۋرۋلاردى ەپيدەميولوگيالىق قاداعالاۋ ءبولىمىنىڭ باسشىسى روزا قوجاپوۆا.
بۇگىنگى تاڭدا الاڭداۋشىلىق تۋدىرۋى مۇمكىن جاڭا شتامداردىڭ پايدا بولۋىن بولدىرماۋدىڭ ەڭ ءتيىمدى شاراسى ۆاكسيناسيا بولىپ تابىلادى.
«قازىرگى ۋاقىتتا ماقۇلدانعان COVID-19-عا قارسى ۆاكسينالارى ۆيرۋستىڭ جاڭا نۇسقالارىنان كەم دەگەندە ءبىرشاما قورعاۋدى قامتاماسىز ەتەدى، ويتكەنى بۇل ۆاكسينالار ءبىرقاتار انتيدەنەلەر مەن جاسۋشالاردىڭ قاتىسۋىمەن كەڭ يممۋندىق رەاكسيانى تۋدىرادى»،– دەلىنگەن دەنساۋلىق ساقتاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
سوندىقتان ۆيرۋستىڭ وزگەرۋى نەمەسە مۋتاسياسى ۆاكسينالاردى تولىعىمەن ءتيىمسىز ەتپەۋى كەرەك. دەنساۋلىق ساقتاۋ ماگيسترى، ق ر دسم «سانيتاريالىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى» قدسۇو (نسوز) فيليالىنىڭ ديرەكتورى ورىنباسارىنىڭ مىندەتىن اتقارۋشى مانار سماعۇل ۆيرۋس مۋتاسياسىنىڭ سەبەپتەرىن جانە ودان مىندەتتى تۇردە قورعاۋدى ءتۇسىندىردى.
«ۆيرۋستار، بارلىق تىرشىلىك يەلەرى سياقتى، ءومىر بويى مۋتاسياعا ۇشىرايدى. ۆيرۋستىڭ مۋتاسياسى بىرنەشە اپتا نەمەسە ايلار ىشىندە كوپتەگەن ۆيرۋستار مەن سەزىمتال ادامدارعا بايلانىستى تەز جۇرەدى. كەيبىر مۋتاسيالار ۆيرۋستى تۇراقسىز جانە وسال ەتەدى، ال كەيبىر مۋتاسيالار ۆيرۋستىڭ جۇقپالى بولۋىن، ءولىمدى ارتتىرادى، اۋرۋدىڭ اۋىر اعىمىن تۋدىرادى. مۋتاسيا ۆيرۋستى ولىمگە اكەلەتىن، جۇقپالى بولعان كەزدە الاڭداۋشىلىق تۋىندايدى. قولدانىستاعى ۆاكسينالاردىڭ، ەمدەۋدىڭ جانە باسقا دا الدىن الۋ شارالارىنىڭ تيىمدىلىگىن تومەندەتەتىن مۋتاسيانىڭ الدىن الۋ ءۇشىن ۆيرۋستىڭ تارالۋىن توقتاتۋ ءۇشىن قولدان كەلگەننىڭ ءبارىن جاساۋىمىز كەرەك. ۆيرۋستىڭ تارالۋىن تومەندەتۋدىڭ ءتيىمدى شاراسى – ۆاكسينالاۋ»، - دەپ اتاپ ءوتتى ساراپشى.
قازاقستاندا بۇگىنگى تاڭدا نەگىزىنەن COVID-19-عا قارسى 2 ۆاكسينا - سپۋتنيك V نەمەسە گام-كوۆيد-ۆاك، QazVac پايدالانىلادى، ءبىرقاتار وڭىرلەردە از مولشەردە Hayat-Vax SARS-CoV-2 جانە CoronaVac بار.