جەتى ەلگە اۋە رەيسىن اشۋ جوسپارلانىپ وتىر

2025 جىلعا دەيىن پارك 51 ۇشاقپەن تولىقتىرىلادى.

وتكەن جىلى ەلىمىزدىڭ اۋە كومپانيالارى 11 ملن جولاۋشى تاسىمالدادى. بۇل تۋرالى يندۋستريا جانە ينفراقۇرىلىمدىق دامۋ ۆيسە-مينيسترى الماز ىدىرىسوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«2022 جىلدىڭ قورىتىندىسىندا ازاماتتىق اۆياسيا سالاسىنداعى قازاقستاندىق اۋە كومپانيالارى تاسىمالداعان جولاۋشىلار سانى 2021 جىلمەن سالىستىرعاندا 17 پايىزعا ارتتى. قازاقستان تاۋەلسىزدىگى جىلدارىنىڭ ىشىندە العاش رەت تاسىمالدانعان جولاۋشىلار سانى 10 ملن ادامنان اسىپ، 11 ملن-عا جەتتى. بۇگىندە جولاۋشىلار اعىنى قالپىنا كەلدى جانە تۇراقتى ءوسىم كورسەتىپ وتىر»، - دەدى الماز ىدىرىسوۆ يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا وتىرىسىندا.

ونىڭ دەرەگىنشە، 109 باعدار بويىنشا 29 ەلگە حالىقارالىق اۋە رەيستەرى قالپىنا كەلتىرىلدى جانە اشىلدى. اپتاسىنا 479 رەيس جاسالادى. ۇشۋلاردى 3 وتاندىق جانە 27 شەتەلدىك اۋە كومپانياسى جۇزەگە اسىرادى.

«چەرنوگوريا، مالايزيا، گرەكياعا اۋە رەيستەرىن جاڭعىرتۋ، جۇڭگو، ءۇندىستان، وزبەكستانمەن رەيستەر جيىلىگىن ارتتىرۋ جانە يزرايلگە، قاتارعا، تۇركياعا، پاكىستانعا، ءازىربايجانعا، تاجىكستانعا، ساۋد ارابياسىنا رەيستەر اشۋ جوسپارلانىپ وتىر»، - دەدى ول.

ۆيسە-مينيستردىڭ دەرەگىنشە، اۋە كەمەلەرى پاركىن كەڭەيتۋ جۇمىستارى دا جۇرگىزىلىپ جاتىر. 2025 جىلعا دەيىن پارك 51 ۇشاقپەن تولىقتىرىلادى. ونىڭ 14ء-ى وتكەن جىلى ەلىمىزگە جەتكىزىلدى.