ساياسي قۋعىن-سۇرگىن قۇرباندارىن اقتاۋ جونىندەگى كوميسسيانىڭ كەزەكتى وتىرىسى ءوتتى

وتىرىس بارىسىندا ەڭبەكتى دايىنداعان اۆتورلاردىڭ قاتىسۋىمەن كوپ تومدىق جيناقتىڭ تۇساۋكەسەر ءراسىمى ءوتتى.

مەملەكەتتىك كەڭەسشى ەرلان قارين ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ كەزەكتى وتىرىسىن وتكىزدى، دەپ حابارلايدى Almaty-akshamy.kz اقوردانىڭ رەسمي سايتىنا سىلەمە جاساپ.

جيىندا مەملەكەتتىك كوميسسيانىڭ 2022 جىلى اتقارعان قىزمەتىنىڭ نەگىزگى قورىتىندىلارى قارالدى.

مەملەكەتتىك كوميسسيا جۇمىسىنىڭ باستى ناتيجەلەرىنىڭ ءبىرى رەتىندە ساياسي قۋعىن-سۇرگىن تاريحىنا ارنالعان 31 تومدىق ماتەريالدار مەن قۇجاتتار جيناعىنىڭ جارىق كورۋىن ايتۋعا بولادى.

وتىرىس بارىسىندا ەڭبەكتى دايىنداعان اۆتورلاردىڭ قاتىسۋىمەن كوپتومدىقتىڭ تۇساۋكەسەر ءراسىمى ءوتتى.

كىتاپتار حح عاسىردىڭ 20-50 جىلدارىنداعى ساياسي قۋعىن-سۇرگىن قۇرباندارىنىڭ ءتۇرلى ساناتتارىنا قاتىستى بۇرىن جاريالانباعان ارحيۆ قۇجاتتارى مەن ماتەريالدارىنان قۇرالعان.

مەملەكەتتىك كوميسسيانىڭ ماتەريالدارىن جارىققا شىعارۋ جۇمىسى بيىل دا ءبىرىڭعاي سەريا شەڭبەرىندە جالعاساتىن بولادى.

سونداي-اق، ءتيىستى مەملەكەتتىك ورگانداردىڭ باسشىلارى ارنايى جانە ۆەدومستۆولىق ارحيۆ قورلارىنداعى قۇجاتتاردى قۇپياسىزداندىرۋعا، ارحيۆ ماتەريالدارىن جۇيەلەۋگە جانە سيفرلاندىرۋعا قاتىستى اتقارعان جۇمىستارى جايىندا باياندادى.

جيىن سوڭىندا 2023 جىلى قولعا الىناتىن باستى باعىتتار بويىنشا، عىلىمي-زەرتتەۋ جانە قۋعىن-سۇرگىن قۇرباندارىن اقتاۋ جۇمىستارىن جالعاستىرۋعا قاتىستى تاپسىرمالار بەرىلدى.