تاڭەرتەڭ تالقانى شىققان كولىگىن كورگەن كورشىسى پوليسياعا ارىز جازادى.
الەۋمەتتىك جەلىدە ءبىر ايەلدىڭ ەسىك الدىندا تۇرعان Kia اۆتوكولىگىن وڭدىرماي تالقانداپ جاتقانىن سيپاتتايتىن ۆيدەو پايدا بولدى. اتالعان وقيعا الماتى قالاسىندا جاڭا جىل قارساڭىندا ورىن العانى ايتىلادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ۆيدەوعا بەرىلگەن سيپاتتامادا جاڭا جىلعا بىرەر مينۋت قالعاندا كۇيەۋىمەن ۇرسىسىپ قالعان ايەل ەسىك الدىنا اتىپ شىعىپ، "ونىڭ Kia K5" اق كولىگىن تالقانداي باستاعانى، ەسىكتى مايىستىرىپ، تەرەزەنى سىندىرىپ، ءنومىردى جۇلىپ العانى ايتىلادى. كەيىن بەلگىلى بولعانداي، بۇل ونىڭ كۇيەۋىنىڭ ەمەس، كورشىسىنىڭ كولىگى بولىپ شىققان. اشۋلى ايەل ونى شاتاستىرىپ العان.
تاڭەرتەڭ تالقانى شىققان كولىگىن كورگەن كورشىسى پوليسياعا ارىز جازادى.
"بۇل فاكت تىركەۋگە الىنعان. قازىرگى ۋاقىتتا ونى جەرگىلىكتى پوليسيا قىزمەتى قاراستىرىپ جاتىر. ارى قاراي ق ر زاڭناماسىنا سايكەس شارالار قابىلداۋ ءۇشىن ءىستىڭ ءمان-جايى مۇقيات زەردەلەنەتىن بولادى"- دەلىنگەن حابارلامادا.