ۆولەيبولدان ازيا چەمپيوناتى ءوتىپ جاتىر
ۇلتتىق وليمپيادا كوميتەتىنىڭ دەرەگىنشە، ۆولەيبولدان ازيا چەمپيوناتىندا وتانداستارىمىز گونكونگ قۇراماسىنان باسىم ءتۇستى، دەپ حابارلايدى Almaty-akshamy.kz.
جاپونيانىڭ چيبا قالاسىندا ۆولەيبولدان ەرلەر كوماندالارى اراسىندا ازيا چەمپيوناتى بولىپ جاتىر.
ۆولەيبولدان قازاقستان ەرلەر قۇراماسى ازيا چەمپيوناتى اياسىندا كەزەكتى كەزدەسۋىن وتكىزدى.
وتاندىق سپورتشىلاردىڭ بۇل جولعى قارسىلاسى گونكونگ قۇراماسى بولدى. ەكەۋارا كەزدەسۋ 3:0 ەسەبىمەن قازاقستان ەنشىسىنە شەشىلدى.
قازاقستان قۇراماسى قازىرگى تاڭدا 9-12 ورىنداردى ساراپقا سالۋدا.
سونداي-اق، قۇرلىقتىق بىرىنشىلىك 19 قىركۇيەككە دەيىن جالعاسادى.