ماماندار جاعدايدى العاشقى مينۋتتاردان باستاپ باقىلاۋعا الدى.
الماتىدا كوپ قاباتتى ۇيلەردىڭ بىرىندە ءورت شىعىپ، تۇرعىندار ەۆاكۋاسيالاندى، دەپ حابارلايدى Almaty-akshamy.kz.
الماتى قالالىق توتەنشە جاعدايلار دەپاراتامەنتىنىڭ مالىمەتىنشە، 17 قىركۇيەك كۇنى ساعات 15:09 كەزىندە «101» پۋلتىنە مەدەۋ اۋدانى، ن. نازاربايەۆ داڭعىلىندا ورنالاسقان 4 قاباتتى ۇيدەن ءتۇتىن شىققانى تۋرالى حابار كەلىپ ءتۇستى.
«ءورت سوندىرۋشىلەر وقيعا ورنىنا 3 مينۋتتا جەتتى. ولار 4 قاباتتى تۇرعىن ءۇيدىڭ شاتىرى اشىق جالىنمەن ورتەنىپ جاتقانىن انىقتادى. تۇرعىندار دەرەۋ ەۆاكۋاسيالانىپ، ءورت وقپاندارى ەنگىزىلدى، اۆتوسيستەرنالار گيدرانتتارعا ورناتىلىپ، اۆتوماتتى كوپ ءيىندى ءورت ءسوندىرۋ كوتەرگىش جۇمىلدىرىلدى»،- دەپ حابارلادى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى.
جاعداي العاشقى مينۋتتاردان باستاپ باقىلاۋعا الىندى.
پوسموترەت ەتۋ پۋبليكاسيۋ ۆ Instagram