ولجاس سۇلەيمەنوۆ جاڭا شىققان ەڭبەكتەرىن ق ر ۇلتتىق كىتاپحانا قورىنا سىيعا تارتتى.
قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى قارساڭىندا جانە سەمەي يادرولىق سىناق پوليگونىنىڭ جابىلعانىنا 30 جىل تولۋىنا وراي ولجاس سۇلەيمەنوۆ «نيەۆادا-سەمەي» انتيادرولىق قوزعالىسىنىڭ ارداگەرلەرىن جانە ق ر ۇعا-اكادەميگى ت.ي. ەسپولوۆتى «حالىقارالىق نيەۆادا – سەمەي انتيادرولىق قوزعالىسىنىڭ 30 جىلدىعى مەرەكەلىك مەدالىمەن» ماراپاتتادى، دەپ حابارلايدى Almaty-akshamy.kz.
مەرەكەلىك مەدالدار قازاقستان رەسپۋبليكاسى مادەنيەت جانە سپورت مينيسترلىگىنە قاراستى ق ر ۇلتتىق كىتاپحاناسىنىڭ ن.داۋلەتوۆا اتىنداعى زالىندا قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى قارساڭىندا جانە سەمەي يادرولىق سىناق پوليگونىنىڭ جابىلعانىنا – 30 جىل تولۋىنا وراي وتكەن «جەرگە تابىن، ادامزات!» جيىنى بارىسىندا تابىس ەتىلدى.
شارا مودەراتورى بەلگىلى جۋرناليست، «نيەۆادا-سەمەي» انتيادرولىق قوزعالىسىنىڭ ۆيسە-پرەزيدەنتى جانداۋلەتوۆ ۆالەريي ايتمۇقاش ۇلى. دوڭگەلەك ۇستەلدە مادەنيەتتانۋشى-عالىم، ديپلومات، مەملەكەت جانە قوعام قايراتكەرى اۋەزوۆ مۇرات مۇحتار ۇلى، عالىم، ەكونوميكا عىلىمدارىنىڭ دوكتورى، پروفەسسور، ق ر ۇعا-اكادەميگى، قازاق ۇلتتىق اگرارلىق ۋنيۆەرسيتەتەىنىڭ رەكتورى ەسپولوۆ تىلەكتەس يساباي ۇلى، بەلگىلى جۋرناليست، قازاقستان ۇلتتىق جاراتىلىستانۋ عىلىمدار اكادەمياسىنىڭ اكادەميگى شالاحمەتوۆ عادىلبەك ءمىناج ۇلى جانە «نيەۆادا-سەمەي» انتيادرولىق قوزعالىسىنىڭ ارداگەرلەرى ولجاس سۇلەيمەنوۆكە جىلى لەبىزدەرىن ءبىلدىرىپ، ۇسىنىستارىن ورتاعا سالدى.