رەسەي فەدەراسياسىنىڭ پرەزيدەنتى ۆلاديمير پۋتين قازاقستان پرەزيدەنتى قاسىم-جومارت توقايەۆقا جامبىل وبلىسىندا قويمالارداعى جارىلىس سالدارىنان بولعان قايعىلى وقيعاعا بايلانىستى كوڭىل ايتتى، دەپ حابارلايدى Almaty-akshamy.kz.
بۇل تۋرالى كرەملدىڭ باسپا ءسوز قىزمەتى حابارلادى.
«قۇرمەتتى قاسىم-جومارت كەمەل ۇلى جامبىل وبلىسىنداعى جارىلعىش زاتتاردىڭ دەتوناسياسى سالدارىنان بولعان قايعىلى وقيعاعا بايلانىستى قايعىرىپ كوڭىل ايتامىن. سونىمەن قاتار قايتىس بولعان ازاماتتاردىڭ وتباسىلارىنا كوڭىل ايتامىن. زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەسپىن»، - دەدى ۆ.پۋتين.
ەسكە سالساق، 26 تامىزدا جامبىل وبلىسىنداعى اسكەري بولىمدەردىڭ بىرىندە جويقىن جارىلىس بولدى. سالدارىنان 13 ادام وپات بولدى. 98 ادام ءتۇرلى جاراقات الدى.
29 تامىز ەلىمىزدە جالپىۇلتتىق ازا تۇتۋ كۇنى دەپ جاريالاندى.