2022 جىلدىڭ 1 ناۋرىزىنان باستاپ egov.kz ەلەكتروندىق ۇكىمەت پورتالىندا جەكە تۇرعىن ءۇي قۇرىلىسىنا جەر ۋچاسكەسىن الۋ ءۇشىن كەزەككە قويۋ قىزمەتى ىسكە قوسىلدى. وسىنىڭ ارقاسىندا قازاقستاندىقتار كەزەككە تۇرىپ، ونىڭ قوزعالىسىن ونلاين رەجيمدە باقىلاي الادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«مەملەكەتتىك جەر كاداسترى» اۆتوماتتاندىرىلعان اقپاراتتىق جۇيەسىندە كەزەكتە تۇرعاندار ءتىزىلىمى سەرۆيسى الىنعان وزەكتى دەرەكتەردى ەسكەرە وتىرىپ، جەتىلدىرىلگەن «جىلجىمايتىن مۇلىكتىڭ ءبىرىڭعاي مەملەكەتتىك كاداسترى» جاڭا جۇيەسىنە كوشىرىلدى.
اشىق جانە ءبىرىڭعاي فورماتتا ءتىزىلىمدى قۇرۋدىڭ ماقساتى بيزنەس-پروسەستەرىن اۆتوماتتاندىرۋ ەسەبىنەن كورسەتىلەتىن قىزمەتتى الۋشىلاردىڭ كەزەككە قويۋ، وتىنىشتەر بەرۋ، ناتيجەلەر الۋ جانە ءوز كەزەگىن ونلاين قاداعالاۋ پروسەستەردىڭ اشىقتىعىن قامتاماسىز ەتۋ بولىپ تابىلادى.
ناتيجەسىندە حالىقتىڭ كەزەكتىڭ ءجۇرۋى تۋرالى اقپاراتقا، ونىڭ اشىقتىعى جانە جەر ۋچاسكەلەرىن بەرۋ جونىندە قابىلدانعان شەشىمدەردەن حاباردار بولماۋى ماسەلەلەرى شەشىلەدى.
جۇيە ەنگىزىلگەنگە دەيىن جتق ءۇشىن جەر ۋچاسكەسىن الۋ ءۇشىن كەزەككە تۇرۋ ءۇشىن قازاقستاندىقتار جەرگىلىكتى اتقارۋشى ورگاندارعا جۇگىندى.
بۇل رەتتە جەردى تەك ءوز وڭىرىنەن عانا تاڭداي الاتىن، ال كەزەكتە تۇرعانداردىڭ ءتىزىمى اكىمدىكتەردە ساقتالعان.
ەندى كەزەك ەلەكتروندى، اشىق جانە بارلىعىنا قول جەتىمدى بولادى. قازاقستاندىقتار جەر تەلىمىنە ۇمىتكەر بولا الادى، ءوز كەزەگىنىڭ قوزعالىسىن باقىلاي الادى جانە تىركەلگەن جەرىنە قاراماستان كەز كەلگەن ءوڭىردى تاڭداي الادى.
قىزمەتتى egov.kz پورتالىنا كىرۋ ارقىلى پايدالانۋعا بولادى.
«جىلجىمايتىن مۇلىك» بولىمىنە كىرىپ، «جەر قاتىناستارى» ءبولىمىن تاڭداپ، ونىڭ ىشىندە «جەكە تۇرعىن ءۇي قۇرىلىسىنا جەر ۋچاسكەسىن الۋ ءۇشىن كەزەككە قويۋ نەمەسە قاراۋ» (10 سوتىق جەر) قىزمەتىن تاڭداۋ قاجەت.
ناتيجەسىندە كەزەككە قويۋ تۋرالى كۋالىك نەمەسە دالەلدى باس تارتۋ بەرىلەدى.
«جىلجىمايتىن مۇلىكتىڭ ءبىرىڭعاي مەملەكەتتىك كاداسترىن» ق ر اۋىل شارۋاشىلىعى مينيسترلىگى، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، «ازاماتتارعا ارنالعان ۇكىمەت «مەملەكەتتىك كورپوراسياسى» اق جانە اكىمدىكتەردىڭ اقپاراتتىق جۇيەلەرىن ينتەگراسيالاۋ ناتيجەسىندە قۇرۋ مۇمكىن بولدى.