العىس ايتۋ كۇنى بۇگىندە ەلىمىزدەگى مەرەيلى مەرەكەنىڭ بىرىنە اينالدى. كوكتەمنىڭ العاشقى كۇنىمەن بىرگە تويلاناتىن مەرەكەنى الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ جەكە قۇرامى دا اتاپ ءوتتى.
مەرەكەگە قىلمىستىق-اتقارۋ سالاسىنىڭ ارداگەرلەرى مەن قىزمەتكەرلەردىڭ اتا-انالارى دا قاتىسىپ، جۇرەك جاردى تىلەكتەرىن ءبىلدىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سالتاناتتى ءىس-شاراعا جينالعانداردى العىس ايتۋ كۇنىمەن قۇتتىقتاعان قاجد باستىعى د.قاناتبەكوۆ مەرەكەنىڭ ماڭىزىنا توقتالدى.
«ەگەمەندى ەلىمىزدىڭ تاريحىنداعى ايرىقشا كۇندەردىڭ ءبىرى بولىپ ەسەپتەلەتىن العىس ايتۋ كۇنى - ەرەكشە مەيرام. كەڭەستىك كەزەڭدە قازاق جەرىنە كۇشتەپ قونىستاندىرىلعان ءتۇرلى ءۇلت وكىلدەرىن جاتسىنباي، تورىنەن ورىن بەرگەن، ولاردىڭ قيىن كەزەڭنەن قايىسپاي وتۋلەرىنە جاعداي تۋدىرعان قازاق حالقىنا دەگەن باسقا ۇلتتاردىڭ زور قۇرمەتىن ايعاقتاۋ ماقساتىندا قابىلدانعان مەرەكەنىڭ بۇگىندە اۋقىمى كەڭ. بۇل كۇن ءقازىر ءبىر ماقساتتا ءومىر سۇرەتىن بارلىق قازاقستاندىقتاردىڭ بىر-بىرىنە دەگەن قۇرمەتىن ارتتىراتىن كۇنگە اينالدى. سىزدەردى وسى ايرىقشا كۇنمەن قۇتتىقتاي وتىرىپ، ەلىمىزدىڭ جارقىن بولاشاعى ءۇشىن سىڭىرگەن ەڭبەكتەرىڭىزگە العىس ايتامىن»، – دەدى ول.
ايتۋلى مەرەكەگە قاجد قىزمەتكەرلەرى وڭالباي جومارت پەن رۇستەم سارسەنالىنىڭ، ديدار دارۋبايدىڭ اتا-انالارى كەلىپ، قوشامەتكە بولەندى. سونداي-اق العىس ايتۋ كۇنىنە دەپارتامەنت قىزمەتكەرلەرى مارات جۇماحانوۆ پەن باقىتگۇل مەيرامبايدىڭ لا-155/1 مەكەمەسىندە ەڭبەك ەتىپ، زەينەتكەرلىككە شىققان اتا-انالارى مەن باقىلاۋشى بولىپ قىزمەت اتقاراتىن ادىلبەك قاشقاروۆتىڭ دا اتا-انالارى قاتىستى. مەرەكەگە كەلگەن اتا-انالارعا دەپارتامەنت باستىعى د.قاناتبەكوۆ تاربيەلى ۇل-قىز ءوسىرىپ، ەڭبەكتە ونەگەلى بولعاندارى ءۇشىن العىس حات پەن گۇل شوقتارىن تابىستادى.