ساۋدا مينيسترلىگى بۇل جاعدايعا تۇسىنىكتەمە بەردى.
ازىق-تۇلىك باعاسىن كوتەرمە ساتۋشىلار الىپساتارلىق جولمەن ارتتىرعان، دەپ حابارلايدى Almaty-akshamy.kz ق ر ساۋدا جانە ينتەگراسيا مينيسترلىگىنە سىلتەمە جاساپ.
مينيسترلىك الەۋمەتتىك ماڭىزى بار ازىق-تۇلىك باعاسىنىڭ وسۋىنە جول بەرمەۋ جۇمىستارى جالعاسىپ جاتقانىن مالىمدەدى.
ۆەدومستۆونىڭ مالىمەتىنشە، قازاقستان ءوزىن ازىق-تۇلىك تاۋارلارىمەن تولىقتاي دەرلىك قامتاماسىز ەتەدى. الەۋمەتتىك ماڭىزى بار ازىق-تۇلىك تاۋارلارىنىڭ، سونىڭ ىشىندە يمپورتقا تاۋەلدى پوزيسيالاردىڭ (قانت، تاۋىق ەتى، سۇزبە) ايتارلىقتاي قورى بار.
«تۇراقتاندىرۋ قورلارىندا 27،4 مىڭ توننا الەۋمەتتىك ماڭىزى بار ازىق-تۇلىك تاۋارلارى ساقتاۋلى تۇر. ونىڭ ىشىندە ۇن، قانت، ماكارون، كۇرىش جانە تاعى باسقا كوكونىس ونىمدەرىن جەتكىزۋگە فورۆاردتىق كەلىسىمشارتتار جاسالدى»، - دەلىنگەن حابارلامادا.
24 اقپانداعى جاعداي بويىنشا تۇراقتاندىرۋ قورلارىندا 27،4 مىڭ توننا ازىق-تۇلىك، ونىڭ ىشىندە 11،5 مىڭ توننا ۇن، 3،8 مىڭ توننا قانت، 1،5 مىڭ توننا ماكارون، 0،8 مىڭ توننا كۇرىش ساقتالعان. شامامەن 124،5 مىڭ توننا الەۋمەتتىك ماڭىزى بار ازىق-تۇلىك تاۋارلارىن، ونىڭ ىشىندە 45،7 مىڭ توننا كارتوپ، 12،5 مىڭ توننا پياز، 13،2 مىڭ توننا ءسابىزدى جەتكىزۋگە فورۆاردتىق شارتتار جاسالدى.
ساۋدا جەلىلەرى وداعىنىڭ دەرەكتەرى بويىنشا، ريتەيلەرلەر الەۋمەتتىك ماڭىزى بار ازىق-تۇلىك تاۋارلارىنىڭ قورىمەن كەم دەگەندە 30 كۇنگە قامتاماسىز ەتىلگەن. بۇل قورلار قول قويىلعان كەلىسىمشارتتار ەسەبىنەن، ونىڭ ىشىندە اينالىم سحەماسى شەڭبەرىندە قالىپتاسادى. ياعني، تاۋارلار ەڭ تومەنگى ساۋدا ۇستەمەسىمەن بەلگىلەنگەن باعامەن ساتىلادى.
«ءۇي جانىنداعى دۇكەندەردە باعانى كوتەرۋ فاكتىلەرى بايقالادى. ول كوتەرمە ساتۋشىلاردىڭ ازىق-تۇلىك باعاسىن الىپ-ساتارلىق جولمەن ارتتىرۋ جاعدايلارىمەن بايلانىستى. الىپ-ساتارلىقتىڭ الدىن الۋ ءۇشىن اكىمدىكتەر ءقازىر ساۋدا-ساتتىققا قاتىسۋشىلارمەن جۇمىس جۇرگىزىپ جاتىر»، - دەپ اتاپ ءوتتى مينيسترلىك قىزمەتكەرلەرى.
ساۋدا ۇستەمەلەرى مەن رەترو-بونۋستاردى اكىمشىلەندىرۋدى جانە مەملەكەتتىك باقىلاۋدى كۇشەيتۋ، سونداي-اق شەكتى باعالاردى ۋاقتىلى ەنگىزۋ ارقىلى باعانىڭ وسۋىنە جول بەرمەۋ جۇمىستارى جالعاسىپ جاتىر.
اكىمدىكتەر تاراپىنان 15%-تەن اسپايتىن مولشەردە ساۋدا ۇستەمەسى مولشەرىنىڭ ساقتالۋىنا جانە ساۋدا جەلىلەرىنىڭ سىياقى الۋىنا جول بەرمەۋگە كۇشەيتىلگەن مونيتورينگ پەن باقىلاۋ جۇرگىزىلەدى.
وسى باعىت بويىنشا ءاربىر ساۋدا نۇكتەسىن باقىلاۋ ءۇشىن جۇرتشىلىق تارتىلادى.
ەلدىڭ ازىق-تۇلىك قاۋىپسىزدىگىن قامتاماسىز ەتۋ بويىنشا 2024 جىلعا دەيىنگى جوسپار ازىرلەندى.
وسى جوسپاردى ىسكە اسىرۋ اياسىندا ءوز ءوندىرىسى ەسەبىنەن ىشكى تۇتىنۋدى 100% قامتاماسىز ەتۋگە قول جەتكىزۋ جوسپارلانىپ وتىر.