قازىرگى ۋاقىتتا قازاقستاندا قىزمەتتىڭ بارلىق سالالارىن، ونىڭ ىشىندە قالا قۇرىلىسىن سيفرلاندىرۋعا ەرەكشە كوڭىل ءبولىنىپ جاتىر.
حالىقتىڭ شوعىرلانۋى، ەكونوميكانىڭ ءارتۇرلى سالالارىنىڭ دامۋى ءىرى قالالاردا جۇمىلدىرىلعان، بۇل ەلدەگى جوعارى ەڭبەك ونىمدىلىگىن قامتاماسىز ەتەدى، دەپ حابارلايدى اlmaty-akshamy.kz. ءبىراق سونىمەن بىرگە ءىرى قالالاردا تۇرعىن ۇيلەر مەن وبەكتىلەردىڭ رەتسىز جانە ساپاسىز قۇرىلىسى جۇرگىزىلىپ، سالدارىنان ينجەنەرلىك جەلىلەرگە ۇلكەن جۇكتەمە تۇسەدى.
بۇل، ەڭ الدىمەن، قالا قۇرىلىسى رەگلامەنتتەرىنىڭ ساقتالماۋىنا جانە جەر ۋچاسكەلەرى مەن تەحنيكالىق شارتتاردى بەرۋ پروسەسىنىڭ اشىق بولماۋىنا بايلانىستى. تۇرعىنداردىڭ قولايلى ءارى جايلى ءومىر ءسۇرۋى ءۇشىن قازىرگى ۋاقىتتا قۇرىلىس سەكتورى اۋماققا قۇرىلىس سالۋ جۇمىسىن ساۋاتتى باسقارۋدىڭ زاماناۋي ءتاسىلىن ەنگىزۋدى قاجەت ەتەدى.
وسىعان بايلانىستى، مەملەكەت باسشىسىنىڭ 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىندا ءاربىر ءىرى قالا بويىنشا جەر ۋچاسكەلەرىنىڭ فۋنكسيونالدىق ينتەراكتيۆتى كارتالارىن جانە كوممۋنالدىق جەلىلەردىڭ سحەمالارىن جاساۋ مىندەتى قويىلدى.
جەر ۋچاسكەلەرىنىڭ فۋنكسيونالدىق ينتەراكتيۆتى كارتالارى 2023 جىلدىڭ 9 قازانىنان باستاپ ىسكە قوسىلعان جىلجىمايتىن مۇلىكتىڭ ءبىرىڭعاي مەملەكەتتىك كاداسترى (جمبمك) شەڭبەرىندە ىسكە اسىرىلادى.
كوممۋنالدىق جەلىلەردىڭ فۋنكسيونالدىق ينتەراكتيۆتى كارتالارى بويىنشا تاپسىرمانى ىسكە اسىرۋ مەملەكەتتىك قالا قۇرىلىسى كاداسترىنىڭ اقپاراتتىق جۇيەسى (مققك ااج) ارقىلى جۇزەگە اسىرىلادى.
جۇمىس شەڭبەرىندە مققك ااج-عا باس جوسپارلار (بج) جانە ەگجەي-تەگجەيلى جوسپارلاۋ (ەتجج)، اەروفوتوتۇسىرىلىم جوبالارى، ينجەنەرلىك جەلىلەر بويىنشا ورتالىق جانە جەرگىلىكتى اتقارۋشى ورگانداردىڭ دەرەكتەرى جينالدى جانە ەنگىزىلدى.
بۇدان باسقا، «سيفرلاندىرۋ، عىلىم جانە يننوۆاسيالار ەسەبىنەن تەحنولوگيالىق سەرپىلىس» ۇلتتىق جوباسى جانە «2023-2029 جىلدارعا ارنالعان تۇرعىن ۇي-كوممۋنالدىق ينفراقۇرىلىمدى دامىتۋ تۇجىرىمداماسى» شەڭبەرىندە ينجەنەرلىك جەلىلەردىڭ جوعارى دالدىكتەگى دەرەكتەرىن قالىپتاستىرۋ جۇرگىزىلىپ جاتىر. قازىرگى ۋاقىتتا ەلىمىزدىڭ ءىرى قالالارىنىڭ (استانا، الماتى، شىمكەنت، اقتوبە جانە قاراعاندى) ينجەنەرلىك جەلىلەرىن ەگجەي-تەگجەيلى سيفرلاۋ دەڭگەيى ورتا ەسەپپەن 90%-دى قۇرايدى.
دەرەكتەردى ودان ءارى اۆتوماتتى تۇردە جاڭارتۋ جەر قاتىناستارى سالاسىنداعى مەملەكەتتىك قىزمەتتەردى سيفرلاندىرۋ ماسەلەلەرى بويىنشا 2023 جىلعى 5 ساۋىردەگى زاڭ شەڭبەرىندە تابيعي مونوپوليالار سۋبەكتىلەرىنىڭ ينجەنەرلىك جەلىلەردىڭ تەحنيكالىق سيپاتتامالارى مەن بوس قۋاتتىلىقتارىنىڭ سيفرلىق دەرەكتەرىن بەرۋ، بارلىق دەڭگەيدەگى قالا قۇرىلىسى جوبالارىنا ءبىرىڭعاي قالا قۇرىلىسى ساراپتاماسىن ەنگىزۋ، سونداي-اق مققك ااج-دا اتقارۋشىلىق تۇسىرىلىممەن وبەكتىلەردى پايدالانۋعا قابىلداۋ اكتىلەرىن ەسەپكە الۋ بولىگىندە قابىلدانعان جاڭا زاڭنامالىق تۇزەتۋلەر ەسەبىنەن جۇزەگە اسىرىلاتىن بولادى.
وسىلايشا، گەوكەڭىستىكتىك دەرەكتەردى جيناۋدىڭ، وڭدەۋدىڭ جانە ۇسىنۋدىڭ سيفرلىق قۇرالىن قالىپتاستىرۋ ينجەنەرلىك كوممۋنيكاسيالارمەن قامتاماسىز ەتىلۋىن ەسكەرە وتىرىپ، قالا قۇرىلىسى رەگلامەنتتەرىنە قاتاڭ سايكەستىكتە اۋماققا قۇرىلىس سالۋدى نەعۇرلىم ۇتىمدى جۇزەگە اسىرۋعا مۇمكىندىك بەرەدى.