قازاق مەملەكەتتىك سيركى حالىقارالىق كورمەگە قاتىستى

قازاق مەملەكەتتىك سيركىنىڭ تاريحى ماجارستان جۇرتشىلىعىنا تانىستىرىلدى.

15ء-شى بۋداپەشت سيرك فەستيۆالى اياسىندا وتكەن مۇراجاي كورمەسىنە الەمنىڭ 12 مەملەكەتى قاتىستى، دەپ حابارلايدى اlmaty-akshamy.kz qazaqstan.tv-گە سىلتەمە جاساپ. ءار ەل ءوز سيركىنىڭ ەكسپوناتتارىن كوپشىلىككە پاش ەتتى. قازاق مەملەكەتتىك سيركىنىڭ ۇجىمى شەتەلدىكتەردىڭ نازارىنا وتاندىق سيرك ونەرىنىڭ تاريحىنان سىر شەرتەتىن سۋرەتتەر، ارتىستەردىڭ كوستيۋمدەرى مەن ۇلتتىق جادىگەرلەردى ۇسىندى. شارا بارىسىندا 12 مەملەكەتتىڭ سيرك باسشىلارى ىنتىماقتاستىق تۋرالى مەموراندۋمعا قول قويدى.

نارگيز تامابەك قىزى، قازاق مەملەكەتتىك سيركى مۇراجايىنىڭ جەتەكشىسى:

العاش رەت ۇيىمداستىرىلعان وسىنداي كورمەگە ءبىزدىڭ قاتىسىپ، ەۋروپادا 100 جىل، 200 جىلدان اسقان سيركتاردىڭ تاريحىن كورسەتىپ وتىرسا، ءبىز دە 50 جىلدىق تاريحىمىزدى كورسەتۋگە مۇمكىندىك الىپ وتىرمىز.

پەتەر فەكەتە، بۋداپەشتتىڭ ۇلكەن سيركىنىڭ ديرەكتورى:

ماجار مەن قازاق ۇلتتارى دوستىق، تۋىستىق قارىم-قاتىناستا. مادەنيەتتەرى بىر-بىرىنە ۇقساس. كورمەدە قازاق سيركىنىڭ جاۋھارلارىن كورگەنىمىزگە قۋانىشتىمىز.