عارىشكەر دميتريي پەتەلين قازاق تىلىندە تىلەك ايتتى.
قوستاناي وڭىرىندە تۋىپ-وسكەن عارىشكەر، ءقازىر «روسكوسموستا» ەڭبەك ەتەتىن دميتريي پەتەلين جەر ماڭى وربيتاسىنان ۆيدەو جولداپ، قازاقستاندىقتاردى قازاق جانە ورىس تىلدەرىندە قۇتتىقتادى. ۆيدەو kostanaynews Telegram-كانالىندا جاريالاندى، دەپ حابارلايدى اlmaty-akshamy.kz.
«قۇرمەتتى قازاقستاندىقتار، اسىرەسە، قوستانايلىقتار، جەرلەستەر! مەرەكە قۇتتى بولسىن! وزدەرىڭىزدى ساقتاڭىزدار! مەن عارىشتان جەرگە قاراۋعا مۇمكىندىك الدىم جانە سىزدەرگە مىنانى ايتقىم كەلەدى: بىر-بىرىڭىزگە رەنجىمەڭىز، بەكەرگە اشۋلانباڭىز. ءبىزدىڭ پلانەتامىز ۇلكەن جانە وتە ادەمى. وربيتادان قاراعاندا مۇنداي ادەمى جەردە قيىندىقتار بولۋى مۇمكىن ەمەس سياقتى. بۇگىن ۇلكەن جانە جاقسى مەرەكە. سىزگە باقىت تىلەيمىن. قيىندىقتارعا مويىماڭىز. كۇننىڭ باتۋى مەن تاڭنىڭ اتۋىن قۋانا قارسى الىڭىز. ءار كۇننەن ءلاززات الىڭىز جانە مىنانى ءبىلىڭىز – ءومىر تاماشا! ناۋرىز مەيرامى قۇتتى بولسىن!» - دەپ قازاق تىلىندە قۇتتىقتاۋ جولدادى عارىشكەر.