قۇرىلىس ءۇشىن جەر ۋچاسكەلەرىن بەرۋگە تىيىم سالىنادى.
جەر كودەكسىنە قۇرىلىس ءۇشىن جەر ۋچاسكەلەرىن بەرۋگە تىيىم سالۋدى كوزدەيتىن وزگەرىستەر مەن تولىقتىرۋلار ەنگىزىلدى، دەپ حابارلايدى Almaty-akshamy.kz
جوعارى اۋديتورلىق پالاتانىڭ مالىمەتىنشە، 2020 جىلعى قازاندا «نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىنىڭ ىسكە اسىرىلۋ بارىسىنىڭ تيىمدىلىگىنە مەملەكەتتىك اۋديت جۇرگىزىلگەن. اۋديت بارىسىندا جەكە تۇرعىن ءۇي قۇرىلىسىن دامىتۋ جەر ۋچاسكەلەرىن ءبولۋ تاسىلدەرىن قايتا قاراۋسىز، تەك تۇرعىن ءۇي قۇرىلىسى اۋداندارىنا ينجەنەرلىك-كوممۋنيكاسيالىق ينفراقۇرىلىم جۇرگىزۋ ارقىلى تۇرعىن ۇيگە قولجەتىمدىلىك ماسەلەلەرىن شەشۋگە ىقپال ەتپەيتىنى انىقتالدى.
وسىعان وراي اۋىل شارۋاشىلىعى مينيسترلىگىنە حالىقتىڭ تىعىزدىعىنا جانە وڭىرلەردىڭ قالا قۇرىلىسى جاعدايلارىنا بايلانىستى جەكە تۇرعىن ءۇي قۇرىلىسى ءۇشىن بەرىلەتىن جەر ۋچاسكەلەرىنىڭ الاڭدارىن ايقىنداۋعا سارالانعان ءتاسىلدى قولدانۋ ارقىلى جەر ۋچاسكەلەرىن بەرۋ ءتارتىبىن رەگلامەنتتەيتىن نورماتيۆتىك قۇقىقتىق اكتىلەردى جەتىلدىرۋ جونىندە شارالار قابىلداۋ تاپسىرىلدى.
بيىل 5 ساۋىردە جەر كودەكسىنە حالىقتىڭ ەسەپتىك سانى جيىرما مىڭ ادامنان اساتىن ەلدى مەكەندەردىڭ ەگجەي-تەگجەيلى جوسپارلاۋ جوبالارى نەمەسە باس جوسپارلارى بولماسا، قۇرىلىس ءۇشىن جەر ۋچاسكەلەرىن بەرۋگە تىيىم سالۋدى كوزدەيتىن وزگەرىستەر مەن تولىقتىرۋلار ەنگىزىلدى. تىيىم سالۋ حالىق سانى جيىرما مىڭ ادامعا دەيىنگى ەگجەي-تەگجەيلى جوسپارلاۋ جوباسىمەن بىرىكتىرىلگەن باس جوسپارلارعا (نەمەسە ولاردىڭ سانى بەس مىڭ ادامعا دەيىنگى ەلدى مەكەندەردى دامىتۋ مەن سالۋدىڭ ولاردى الماستىراتىن سحەماسىنا) قاتىستى، سونداي-اق ينجەنەرلىك جەلىلەر بولماعان جاعدايلارعا قاتىستى بولىپ وتىر.