الماتىدا تۇرعىن ءۇيدىڭ اۋلاسىنان موپەد ۇرلاعان كۇدىكتى ۇستالدى

تانك ماركالى موپەد ۇرلىعىنىڭ «ءىءزى سۋىماي» اشىلدى.

بۇل قىلمىسقا قاتىستى كۇدىكتى رەتىندە 20 جاستاعى جەرگىلىكتى تۇرعىن ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءتۇن ورتاسىندا 20 جاستاعى ك.ەسىمدى كۇدىكتى راديششيەۆ كوشەسى بويىندا ورنالاسقان جەكە تۇرعىن ءۇيدىڭ اۋلاسىنا كىرىپ، موپەدتى ۇرلاپ كەتكەن. كۇدىكتىنى “بۋران-174” ەكيپاجى ۇستادى. ۇرلانعان موپەد كولىگى زاتتاي ايعاق رەتىندە سوت الدى تەرگەۋ تىزىلىمىنە ق ر قك-نىڭ 188-بابى (ۇرلىق) بويىنشا تىركەلگەن قىلمىستىق ءىس بويىنشا تاركىلەندى. كۇدىكتىنىڭ وسى ىسپەتتەس وزگە قىلمىستارعا قاتىسى بولۋى مۇمكىن دەگەن بولجامدار تولىق قاراستىرىلاتىن بولادى»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.

ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.