ول جەردە گرۋزيا ازاماتتارى زاڭسىز تابىس تاپقان.
بۇل تۋرالى كريمينالدىق پوليسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي مالىمدەدى، دەپ حابارلايدى Almaty-akshamy.kz Sputnik.kz-كە سىلتەمە جاساپ.
رەسمي مالىمەتكە سايكەس، سوڭعى بىرنەشە ايدا ءارتۇرلى ينۆەستيسيالار مەن ينۆەستيسيالاردى تارتۋ ارقىلى جاسالعان الاياقتىقتاردىڭ سانى ارتتى. بۇدان بولەك، بانك قىزمەتكەرلەرى جانە قۇقىق قورعاۋ ورگاندارىنىڭ اتىنان حالىقتى الدايتىن الاياقتار از ەمەس. بيىل ءۇش ايدىڭ ىشىندە عانا 400-دەن استام قىلمىس تىركەلدى.
«مىسالعا، الماتى قالاسىندا كيبەرقىلمىسقا قارسى كۇرەس ءبولىمىنىڭ قىزمەتكەرلەرى جەدەل ىزدەستىرۋ ءىس-شارالارىن جۇرگىزۋ بارىسىندا ينتەرنەت-الاياقتاردىڭ كولل-ورتالىعىن انىقتادى. جۇرگىزىلگەن وپەراسيا بارىسىندا گرۋزيا رەسپۋبليكاسىنىڭ 24 ازاماتىنان تۇراتىن توپ ۇستالدى»، - دەدى ءسۇيىنباي بۇگىنگى ونلاين بريفينگتە.
ونىڭ ايتۋىنشا، الاياقتارعا سەنىپ قالعان ادامدار كود پەن ءپارولدى ايتىپ قانا قويماي، كرەديتكە اقشا الادى. ال كەيبىرەۋلەر پاتەر مەن كولىگىن ساتىپ، بارلىق اقشانى الاياقتارعا جىبەرە سالعان.
قازىرگى كەزدە بارلىق وڭىردە ينتەرنەت-الاياقتىقتى تەرگەۋ بويىنشا مامانداندىرىلعان توپتار جۇمىس ىستەيدى. ال استانادا "كيبەرپول" پيلوتتىق جوباسى ىسكە قوسىلدى.
ايتا كەتەرى، بيىل ءۇش ايدىڭ ىشىندە قازاقستاندىقتار 3 ميلليارد تەڭگەگە الداندى.