جەر بەتىندەگى تەمپەراتۋرا سەگىز جىل قاتارىنان كوتەرىلىپ كەلەدى

جەر شارىنىڭ تىم ىسۋى ورمان ورتتەرىنىڭ كوبەيۋىنە، مۇزدىقتاردىڭ ەرۋى مەن تەڭىز دەڭگەيىنىڭ كوتەرۋى سەكىلدى ءتۇرلى تابيعي اپاتتارعا اكەلۋدە.

ال 2021 وتە ىستىق جىل بولدى، دەيدى اقش عارىش اگەنتتىگىنىڭ كليمات بويىنشا عىلىمي قىزمەتكەرى كەترين كەلۆين. عالىمنىڭ ايتۋىنشا، قازىرگى تاڭدا ناسا نىڭ جيىرمادان استام جاساندى جەر سەرىكتەرى عالامدىق جىلىنۋدىڭ پلانەتاعا اسەرىن تۇراقتى باقىلاپ وتىر. سوڭعى ەلۋ جىلداعى وزگەرىستەر جايلى دەرەكتەر قورى جينالعان، دەپ حابارلايدى Almaty-akshamy.kz.

ونى كەز كەلگەن عالىم پايدالانا الادى دەيدى مامان. ال، بىلتىر كۇزدە عارىشقا ۇشىرىلعان دارت پلانەتالىق قورعانىس ميسسياسى وسى اپتادا استەرويدقا اسەر ەتىپ، ونىڭ وربيتاسىن وزگەرتۋگە تىرىسادى.

«عارىش كەمەسى وتكەن كۇزدە ۇشىرىلدى. ول استەرويدقا جاقىنداپ قالدى. ميسسيا ماقساتى — استەرويد باعىتىن وزگەرتۋ. بۇل استەرويد جەر شارىنا ءقاۋىپ ءتوندىرىپ تۇرعان جوق. دەسە دە، 26 قىركۇيەكتە عارىش كەمەسى سىناق رەتىندە وعان اسەر ەتىپ، وربيتاسىن وزگەرتىپ كورەدى»، - دەيدى اقش عارىش اگەنتتىنىڭ كليمات بويىنشا عىلىمي قىزمەتكەرى كەترين كەلۆين. 

سونداي اق عالىم حالىقارالىق عارىش ستانسياسىندا جۇرگىزىلىپ جاتقان وزگە دە سىناقتار جايلى باياندادى. مىسالى، ءقازىر اۋىل شارۋاشىلىعى داقىلدارى جابىق جاعدايدا ديودتى شامداردىڭ جارىعىمەن ءوسىرىلىپ جاتىر. ءتىپتى، ناسا عالىمدارى وسىمدىك تامىرلارىنا قورەكتىك زاتتاردى قاجەتتى مولشەردە عانا باعىتتايتىن تىڭايتقىش ويلاپ تاپقان. بۇل ءتاسىلدى الەم جاپپاي قولدانسا، اعىن سۋدى ۇنەمدەۋگە بولار ەدى دەيدى. ايتا كەتەيىك، سانكسيانىڭ استىندا قالعان رەسەي ەكى جىلدان سوڭ عارىش ستانسياسىنان شىعاتىنىن مالىمدەگەن. مۇنىڭ حالىقارالىق ازاماتتىق عارىشتىق عىلىمي زەرتتەۋلەرگە قالاي اسەر ەتەتىنى ازىرگە بەلگىسىز. ناسا وكىلى بۇعان قاتىستى ناقتى جاۋاپ بەرە المادى.