جاڭا قازاقستاندى قۇرۋعا اتسالىسۋ – وسكەلەڭ ۇرپاق الدىنداعى مىندەتىمىز. مۇنداي پىكىردى قازاقستاننىڭ ەڭبەك سىڭىرگەن قايراتكەرى، «روزا باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىنىڭ ديرەكتورى جەڭىس سەيدۋللا ۇلى ءبىلدىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«كۇنى كەشە «Qazaqstan» ۇلتتىق ارناسىندا مەملەكەت باسشىسى قاسىم-جومارت كەمەل ۇلىنىڭ جاڭا سۇحباتى جارىق كوردى. ەلدىڭ كوكەيىندە جۇرگەن كوپتەگەن وزەكتى ساۋالدارعا جاۋاپ ايتىلعان ۇلكەن سۇحبات بولدى دەپ ويلايمىن. جاڭا قازاقستاندى قۇرۋعا باعىت العان پرەزيدەنتىمىزدىڭ پوزيسياسى، ويلارى مەن سالماقتى سوزدەرى كوڭىلدى ءبىر سەرپىلتىپ، كوپشىلىكتىڭ قولداۋىنا يە بولدى»، - دەدى ۇيىم ديرەكتورى.
ونىڭ اتاپ وتۋىنشە، پرەزيدەنت سۇحباتىنىڭ ءمان-ماڭىزى تەرەڭدە جاتىر.
«پرەزيدەنتتىڭ سوزدەرىنە قۇلاق اسىپ، قولداۋ كورسەتسەك، ەلدەگى كۇردەلى ماسەلەلەر تەز ارادا ءوز شەشىمىن تاباتىنى انىق. قاسىم-جومارت كەمەل ۇلى ءوز سۇحباتىندا جاقىن ارادا ەلىمىزدە ساياسي رەفورمالار بولاتىنىن مالىمدەدى. قاڭتار وقيعاسىنان ەندى عانا ەس جيىپ، قالىپتى ومىرگە ورالعان حالىق شىنىمەن دە وسى رەفورمالاردى زور ۇمىتپەن كۇتىپ ءجۇر. حالىقتىڭ تالاپ-تىلەگى ەسكەرىلگەن رەفورمالار بولاتىنىنا سەنىمىم مول. ءبىز دە، ونەر ادامدارى، مادەنيەت قايراتكەرلەرى جاڭا قازاقستاندى قۇرۋعا اتسالىسۋىمىز قاجەت. سوندا عانا بىرلىگىمىز بەكەمدەلىپ، ەلىمىز كوركەيە تۇسپەك. بۇل – ءبىزدىڭ وسكەلەڭ ۇرپاق الدىنداعى مىندەتىمىز»، - دەدى جەڭىس سەيدۋللا ۇلى.