بيىل ۇلى جەڭىستىڭ 80 جىلدىعى اتالىپ وتەدى. بۇل ايتۋلى مەرەكە قازاقستاننىڭ ءاربىر ازاماتى ءۇشىن ەرەكشە ماڭىزعا يە. ويتكەنى سۇراپىل سوعىستىڭ زاردابىن تارتپاعان وتباسى كەمدە-كەم. مەملەكەت باسشىسى اتاپ وتكەندەي:
"سوعىستا قازا تاپقانداردى ۇمىتپاي، قاھارمان ەرلەرىمىزدىڭ رۋحىنا تاعزىم ەتۋ، ەل ىشىندە بەيبىتشىلىك پەن تىنىشتىقتى ساقتاۋ – بارشاعا ورتاق پارىزىمىز."
وسىعان وراي، م.جۇمابايەۆ اتىنداعى №137 مەكتەپتە جاستارعا پاتريوتتىق تاربيە بەرۋ ماقساتىندا «جەڭىس جولىنداعى ەرلىك – تاريحتان بولاشاققا» اتتى قالالىق ءىس-شارا ۇيىمداستىرىلدى.
ءىس-شارانى وتكىزۋگە مەكتەبىمىزدىڭ مۇعالىمدەرى: ارىنوۆا سۆەتا كەڭەسبەك قىزى، نۇركەيەۆا ساۋلە قۇسمان قىزى، ەرسەركەنوۆا سالتانات احمەتجان قىزى، قۋاتوۆا گۇلنار قابىل قىزى، جولىموۆا سۆەتا كامالوۆنا، قاسىلكارىموۆا راۋشان مارالبەك قىزى، دۋامبەكوۆا ايالا قانات قىزى، باۋىرجان جالعاس، موجانوۆا ايزات قۇتتىباي قىزى ۇيىتقى بولدى.
ءىس-شارانىڭ نەگىزگى ماقساتى – مايدان دالاسىندا وت كەشكەن باتىرلارىمىزدىڭ ەرلىگىن جاس ۇرپاققا ناسيحاتتاۋ، ولاردىڭ جەڭىس جولىنداعى قاجىرلى كۇرەسىن ەسكە الۋ جانە جاستاردى وتانسۇيگىشتىككە تاربيەلەۋ.
كەش قوناقتارى ادامزات تاريحىنداعى ەڭ زۇلمات سوعىستىڭ زارداپتارى تۋرالى اڭگىمەلەپ، جەڭىستى جاقىنداتقان مايدانگەرلەردىڭ ەستەلىكتەرىمەن ءبولىستى. سونداي-اق مەكتەپ وقۋشىلارى ۇلى جەڭىستىڭ 80 جىلدىعىنا ارنالعان ونەرلەرىن پاش ەتتى. كەش بارىسىندا پاتريوتتىق اندەر شىرقالىپ، بي قويىلىمدارى ورىندالدى، جىر شۋماقتارى وقىلىپ، ۇلتتىق كۇيلەر ورىندالدى.
سونىمەن قاتار، مەكتەپ مۇعالىمدەرى كولبايەۆ مەيرام مەن كاريكەن گۇلنافيستىڭ ۇيىمداستىرۋىمەن جەڭىستىڭ 80 جىلدىعىنا ارنالعان كورمە ۇيىمداستىرىلدى. بۇل كورمە وقۋشىلاردىڭ مادەني جانە شىعارماشىلىق قابىلەتتەرىن دامىتۋعا، بەينەلەۋ ونەرىنىڭ تەرەڭ سىرلارىن تانۋعا مۇمكىندىك بەردى.
بۇگىندە بەيبىت اسپان استىندا ءومىر ءسۇرىپ كەلە جاتقانىمىزعا 80 جىل تولىپ وتىر. الايدا مايداندا شايقاسقان ارداگەرلەر قاتارى جىل وتكەن سايىن سيرەپ بارادى. ءبىزدىڭ باستى مىندەتىمىز – ولاردىڭ ەسىمدەرىن ماڭگى ەستە ساقتاۋ، قۇرمەت كورسەتۋ، سونداي-اق وسكەلەڭ ۇرپاققا وتانسۇيگىشتىك پەن بىرلىكتىڭ قۇندىلىعىن دارىپتەۋ.
الماتى قالاسى، جەتىسۋ اۋدانى
م.جۇمابايەۆ اتىنداعى №137 مەكتەپ ديرەكتورىنىڭ ورىنباسارى
گ. ا. دەلەگەيەۆا