«جەڭىلدىكتى ليزينگ» باعدارلاماسىنا وتىنىمدەردى قابىلداۋ باستالدى

«جەڭىلدەتىلگەن ليزينگ» باعدارلاماسىنا 100 ملرد تەڭگە ءبولىندى.

«قازاگروقارجى» كومپانياسى 5% مولشەرلەمەمەن وتاندىق اۋىل شارۋاشىلىعى تەحنيكاسىن ساتىپ الۋعا ارنالعان «جەڭىلدىكتى ليزينگ» باعدارلاماسىنا وتىنىمدەردى قابىلداۋ باستالدى، دەپ حابارلايدى اlmaty-akshamy.kz.

مەملەكەت «جەڭىلدەتىلگەن ليزينگ» باعدارلاماسىن جۇزەگە اسىرۋعا 100 ملرد تەڭگە ءبولدى. اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارلاۋىنشا، باعدارلاما وتاندىق وندىرىلگەن نەمەسە قۇراستىرىلعان اۋىل شارۋاشىلىعى تەحنيكاسىن ساتىپ الۋدى قارجىلاندىرۋعا باعىتتالعان. باعدارلامانىڭ نەگىزگى شارتتارىنا مىنالار جاتادى: 

جىلدىق مولشەرلەمە 5%، 

ليزينگ مەرزىمى 7 جىلعا دەيىن، 

سىياقى مولشەرلەمەسى جىلدىق 5%، 

ليزينگتىك اكتيۆتى العاننان كەيىن، ءبىراق 2024 جىلدىڭ 1 جەلتوقسانىنان كەشىكتىرمەي تولەنۋى مۇمكىن 10% كەم ەمەس باستاپقى ليزينگتىك تولەم.

باعدارلاماعا قاتىسۋعا وتىنىمدەردى قابىلداۋ 17 ماۋسىمدا ساعات 14:00-دە باستالدى. ول ءۇشىن «قازاگروقارجى» Telegram بوتىنداعى ەلەكتروندى كەزەككە تۇرۋ قاجەت.

كليەنت ءوتىنىشتى Telegram بوتى ارقىلى بەرگەن كۇننەن باستاپ 5 جۇمىس كۇنى ىشىندە وبلىستاعى «قازاگروقارجى» فيليالىنا قۇجاتتاردىڭ تولىق پاكەتىن تاپسىرۋى ءتيىس. فيليالداردىڭ بايلانىس دەرەكتەرى كومپانيانىڭ www.kaf.kz رەسمي سايتىندا كورسەتىلگەن.