كەشە الەۋمەتتىك جەلىلەردە ايەلىن سۇيرەپ سوققىعا جىققان ەر ادامنىڭ ۆيدەوسى تاراعان بولاتىن.
جۋرناليست ميحايل كوزاچكوۆ بەينەجازباداعى ەر ادامنىڭ ارمان شورايەۆ ەكەنىن ايتقان، دەپ حابارلايدى Almaty-akshamy.kz
«بىرگە تۇراتىن ايەلىنە قول كوتەرىپ، دەنە جاراقاتىن سالۋ فاكتىسى بويىنشا ا.ش. ەسىمدى ازاماتقا قاتىستى سوتقا دەيىنگى تەرگەۋ باستالدى. قاجەتتى ەكسپەرتيزالار تاعايىندالدى»، - دەگەن استانا قالالىق پوليسيا دەپارتامەنتى وقيعاعا قاتىستى پىكىر ءبىلدىرىپ.
شورايەۆتىڭ ءوزى Facebook جەلىسىندە «ءوزىنىڭ جاساندى ينتەللەكتتىڭ قۇربانى بولعانىن جانە جۋرناليستكە قارسى ارىز تۇسىرەتىنىن» حابارلاعان جازبا جاريالادى.
«ايەل زاتىنا قاشان قول كوتەرگەنىمدى ەسىمدە ءتۇسىردىم. 4-سىنىپ وقيتىن ەدىم، سىنىپتاسىم سۆەتا بۋتورينا اكەمنىڭ جوعىن بەتىمە باستى، ءبىر جىل بۇرىن اكەمنەن ايىرىلعاندىقتان ونىڭ ءسوزى جانىما باتىپ كەتتى»، - دەپ جازدى ارمان شورايەۆ فب پاراقشاسىنا.