ق ر يندۋستريا جانە ينفراقۇرىلىمدىق دامۋ مينيسترلىگى جەڭىلدەتىلگەن اۆتونەسيە باعدارلامالارىن قايتا باستاۋدى جوسپارلاپ وتىر.
بۇگىنگى تاڭدا باعدارلاما بويىنشا Hyundai، KIA، JAC، Chevrolet، LADA وتاندىق قۇراستىرىلعان كولىكتەردى ساتىپ الۋعا بولادى، دەپ حابارلايدى Almaty-akshamy.kz Elorda.info-عا سىلتەمە جاساپ.
«حالىقتىڭ وتاندىق اۆتوكولىكتەردىڭ قولجەتىمدىلىگىن قامتاماسىز ەتۋ ماقساتىندا مينيسترلىك جەڭىلدەتىلگەن اۆتوكولىكتى نەسيەلەندىرۋ باعدارلاماسىنا قوسىمشا بيۋدجەت قاراجاتىن ءبولۋ ماسەلەسىن پىسىقتاۋدا. سونداي-اق، ەلباسىنىڭ تاپسىرماسى بويىنشا حالىققا جەڭىلدەتىلگەن اۆتونەسيە بەرۋدىڭ جاڭا باعدارلاماسى ازىرلەنەدى. قازىرگى ۋاقىتتا باعدارلامانى قايتا ىسكە قوسۋدىڭ بىرنەشە نۇسقاسى قاراستىرىلۋدا. نۇسقالاردىڭ ءبىرى كوپ بالالى وتباسىلاردى، قۇقىق قورعاۋ ورگاندارى قىزمەتكەرلەرىن، دارىگەرلەر مەن مۇعالىمدەردى قولداۋدىڭ كىشى باعدارلاماسىن قوسىمشا ەنگىزۋ ۇسىنىلۋىمەن ەرەكشەلەنەدى. سونداي-اق، «ءبىرىنشى وتباسىلىق اۆتوكولىك» شاعىن باعدارلاماسىن قوسۋ مۇمكىندىگى قاراستىرىلۋدا»، – دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ حابارلاماسىندا.
قازاقستاندا جەڭىلدەتىلگەن اۆتونەسيە باعدارلاماسى 2015 جىلدان بەرى جۇمىس ىستەپ كەلەدى. ول 20 جىلعا ەسەپتەلگەن جانە «اينالمالى» نەسيەلەۋگە نەگىزدەلگەن. جالپى قارجىلاندىرۋ ءليميتى 82 ملرد تەڭگەنى قۇرايدى. باعدارلاما جۇزەگە اسىرىلعالى بەرى اينالىم قاراجاتىن ەسەپكە العاندا 159 ملرد تەڭگەگە 30 525 نەسيە بەرىلدى. ءقازىردىڭ وزىندە 80 مىڭعا جۋىق ادام وتاندىق اۆتوكولىكتەردى ساتىپ العان.
مينيسترلىك جەڭىلدەتىلگەن اۆتونەسيە باعدارلاماسىنىڭ شارتتارى قاراپايىم ەكەنىن ءتۇسىندىردى:
- ءبىر كولىكتىڭ قۇنى 15 ميلليون تەڭگەدەن اسپايدى؛
- نەسيە مەرزىمى جەتى جىلدان اسپايدى؛
- تۇپكىلىكتى قارىز الۋشى ءۇشىن نومينالدى سىياقى مولشەرلەمەسى جىلدىق 4%-دان اسپاۋى كەرەك؛
- تۇپكىلىكتى قارىز الۋشى ەكىنشى دەڭگەيدەگى بانكتەرگە نەسيەنى وتەگەن كەزدە وتەلگەن قاراجات ەسەبىنەن وتاندىق وندىرىلگەن جولاۋشىلار كولىكتەرىن ساتىپ الۋشىلاردى قايتا نەسيەلەۋگە جول بەرىلەدى.