ماۋسىمدىق جۇمىستارعا 3 302 ادام تارتىلۋى مۇمكىن.
قازاقستان ۇكىمەتى ۇستىمىزدەگى جىلى قانشا شەتەلدىك ازامات جۇمىسقا تارتىلاتىنىن ايتتى، دەپ حابارلايدى Almaty-akshamy.kz.
«ق ر ەڭبەك جانە حالىقتى الەۋمەتتىك قورعاۋ مينيسترلىگى ىشكى ەڭبەك نارىعىن قورعاۋ ماقساتىندا جىل سايىن جۇمىس بەرۋشىلەردىڭ قاجەتتىلىكتەرى بويىنشا قازاقستانعا شەتەلدىك جۇمىس كۇشىن تارتۋعا كۆوتا بەلگىلەيدى جانە بولەدى. 2022 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0،31% نەمەسە 28،3 مىڭ بىرلىك مولشەرىندە بەلگىلەندى»، - دەلىنگەن مينيسترلىك حابارلاماسىندا.
مامانداردىڭ ايتۋىنشا، 2022 جىلى شجك تارتۋعا كۆوتا مىناداي تۇردە 4 ساناتقا ءبولىندى: ءبىرىنشى سانات بويىنشا 1 243 رۇقسات (باسشىلار جانە ولاردىڭ ورىنباسارلارى)، ەكىنشى سانات بويىنشا 6 499 رۇقسات (قۇرىلىمدىق بولىمشەلەردىڭ باسشىلارى). رۇقساتتاردىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 13 887 جانە 3 421 بىرلىك. سونداي-اق ماۋسىمدىق جۇمىستارعا 3 302 ادام تارتىلۋى مۇمكىن.
2021 جىلى جەرگىلىكتى اتقارۋشى ورگاندار 18،2 مىڭ بىرلىك مولشەرىندە شجك تارتۋ ءۇشىن جۇمىس بەرۋشىلەرگە رۇقساتتار بەردى جانە ۇزارتتى، بۇل بەلگىلەنگەن كۆوتانىڭ 64% - ىن (29،3 مىڭ) قۇراعانىن ەستەرىڭىزگە سالا كەتەيىك. 2022 جىلعى 1 قاڭتارداعى جاعداي بويىنشا جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا 14 932 شەتەلدىك ازامات ەڭبەك قىزمەتىن جۇزەگە اسىردى.