يننوۆاسيا جانە كرەاتيۆتى يندۋستريالاردى دامىتۋ كوميتەتى الماتى قالاسىنىڭ كاسىپكەرلەر پالاتاسىندا قۇرىلادى
كوميتەتتىڭ ءبىرىنشى وتىرىسى مەملەكەتتىك ورگاندار، بيزنەس جانە عىلىم وكىلدەرىمەن ءوتتى. جاڭا كوميتەت يننوۆاسيالىق تاسىلدەر مەن ازىرلەمەلەردى دامىتۋ شەڭبەرىندە بيزنەس پەن عىلىمدى ينتەگراسيالاۋعا ىقپال ەتەتىن بولادى. جۇمىستا 4 باعىت: يننوۆاسيا، كرەاتيۆتى يندۋستريا، Iت-باعىت، ينۆەستيسيالار بولادى.
كوميتەت وسى باعىتتار بويىنشا ماسەلەلەر مەن جوبالاردى قارايتىن بولادى. ەسكە سالساق، ۇلتتىق پالاتانى ترانسفورماسيالاۋ اياسىندا ۇكپ ءتورالقا ءتوراعاسى رايىمبەك باتالوۆتىڭ تاپسىرماسى بويىنشا وڭىرلەردىڭ ەرەكشەلىگىن ەسكەرە وتىرىپ، بۇكىل ەل بويىنشا سالالىق كوميتەتتەر قۇرىلادى. ماقساتى – بيزنەستەن بىرلەسىپ، سالالاردى دامىتۋ باعدارلامالارىنان سالالىق ساراپتامانى كۇشەيتۋ. كوميتەتتەر قۇرۋدىڭ بۇل باستاماسى ۇكپ-نىڭ ح سەزىندە قولداۋ تاپتى. الماتىدا وكپ بازاسىندا ەكىنشى سالالىق كوميتەت ءوز جۇمىسىن باستادى.
«الماتىدا ۇلكەن يننوۆاسيالىق الەۋەت بار. بۇگىندە كاسىپكەرلەر بيزنەس-پروسەسكە يننوۆاسيالىق تەحنولوگيالاردى، كرەاتيۆتى تاسىلدەردى ەنگىزۋگە تىرىسۋدا. اقىلدى قالانىڭ قۇرىلىسىندا يننوۆاسيالار بارلىق جاعىنان جۇيەلى تۇردە كورىنەدى. ەكواۆتوبۋستار، ەلەكتر ساموكاتتار، قولما-قول اقشاسىز ەسەپ ايىرىسۋ، جاساندى ينتەللەكت، سەرۆيستىك ونلاين پلاتفورمالار، گاستروكارتالار – قالادا شاعىن جانە ورتا بيزنەستى دامىتۋدا ءتيىمدى قۇرالعا اينالىپ جاتىر»، – دەپ اتاپ ءوتتى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ.
وڭىرلىك بولىنىستە شاعىن جانە ورتا كاسىپكەرلىك سۋبەكتىلەرىنىڭ باسىم بولىگى الماتى قالاسىندا شوعىرلانعان – 206 مىڭ بىرلىك نەمەسە بۇكىل قازاقستان كورسەتكىشىنىڭ 14،4%. ەلدىڭ شاعىن جانە ورتا زاڭدى تۇلعالارىنىڭ 27%-ى وڭتۇستىك استانادا جۇمىس ىستەيدى.
سپيكەردىڭ ايتۋىنشا، كوميتەت جۇمىسىنىڭ ماقساتى – يننوۆاسيا مەن كرەاتيۆتى يندۋستريانى دامىتۋ ماسەلەلەرىندە مەملەكەت، بيزنەس جانە عىلىمنىڭ ديالوگ الاڭىن قۇرۋ. مىندەتى – جوبالاردى كوممەرسيالاندىرۋ بويىنشا عىلىمي زەرتتەۋلەر مەن ازىرلەمەلەردى ىلگەرىلەتۋ، الماتى اۋماعىندا جاڭا، يننوۆاسيالىق كاسىپورىندار مەن جۇمىس ورىندارىن قۇرۋعا جاردەمدەسۋ.
شاراعا قاتىسۋشىلار يننوۆاسيا جانە كرەاتيۆتى يندۋستريانى دامىتۋ كوميتەتىنىڭ وڭىرلىك ماسەلەلەرىن تالقىلادى.