بۇگىندە جەڭىلدەتىلگەن اۆتوكرەديت بويىنشا قازاقستاندىقتار KIA، Hyundai، Chevrolet، Jاس، LADA كولىكتەرىن الا الادى.
جەڭىلدەتىلگەن اۆتوكرەديت باعدارلاماسى 30 جىلعا جوسپارلانعان، دەپ حابارلايدى Almaty-akshamy.kz
وعان قاتىسۋ ءۇشىن تومەندەگى تالاپتاردى ورىنداۋ كەرەك:
تۇتىنۋشى اۆتوسالونعا بارىپ، قازاقستاندا جاسالعان كولىكتىڭ ءبىرىن تاڭداۋى كەرەك.
اۆتوسالون قىزمەتكەرى اۆتوكرەديت الۋشىعا قولدانۋ مەرزىمى 5 كۇننەن اسپايتىن، ءارى الاتىن كولىكتىڭ VIN-كودى جازىلعان ەسەپشوتتى بەرەدى؛
تۇتىنۋشى بانككە بارىپ، كولىكتىڭ VIN-كودىن كورسەتىپ، ەسەپشوتتى ۇسىنۋى شارت.
بانك ءوتىنىمدى قابىلداعان ساتتەن باستاپ، تۇتىنۋشى ەلەكتروندى كەزەككە تۇرادى.
بانك تۇتىنۋشىنىڭ تولەم قابىلەتىن جانە كرەديت تاريحىن تەكسەرەدى. ول جەڭىلدەتىلگەن اۆتوكرەديت بەرۋ تۋرالى شەشىم قابىلداعان جاعدايدا تۇتىنۋشىعا قولدانۋ مەرزىمى 5 كۇننەن اسپايتىن كەپىلحات بەرەدى؛
تۇتىنۋشى كەپىلحاتتى العان سوڭ اۆتوكولىكتى راسىمدەۋ ءۇشىن اۆتوسالونعا بارۋى ءتيىس؛
ەگەر تۇتىنۋشى كەپىلحاتتى العان كۇننەن باستاپ، 10 كۇننەن كەشىكتىرمەي، اۆتوكرەديتتى الۋ شارتىن راسىمدەسە، ول كەزەكتەن شىعارىلادى؛
تۇتىنۋشى اۆتوكرەديتكە ءوتىنىم بەرگەننەن كەيىن كولىگىنىڭ ماركاسى مەن مودەلىن وزگەرتە المايدى جانە كەزەكتى باسقا ادامعا بەرە المايدى.
ەگەر تۇتىنۋشى جەڭىلدەتىلگەن اۆتوكرەديتتى الۋدان باس تارتسا، ول ەلەكتروندى كەزەكتەن شىعارىلادى، ونىڭ ورنىنا جاڭا قاتىسۋشى قويىلادى. باعدارلاماعا ءبىر تۇتىنۋشى 2 جىلدا ءبىر-اق رەت قاتىسا الادى.
«ەكىنشى دەڭگەيلى بانكتەر تۇتىنۋشىنىڭ تولەم قابىلەتىن تەكسەرەدى، ءارى اۆتوقارىزداردى ماقۇلداۋعا جاۋاپ بەرەدى. بانك اۆتوكرەديت الۋعا ءوتىنىمدى ماقۇلداعاننان كەيىن ءوتىنىمنىڭ مارتەبەسىن تۇتىنۋشىنىڭ ءوزى «ونەركاسىپتى دامىتۋ قورى» اق-نىڭ قاتىسۋىنسىز ءتيىستى بانكتىڭ پلاتفورماسىندا (ونلاين-كەزەك) باقىلاي الادى»، - دەپ جازىلعان ونەركاسىپتى دامىتۋ قورىنىڭ حابارلاماسىندا.
ايتا كەتەيىك، قازاقستاندا جەڭىلدەتىلگەن اۆتوكرەديتتى 4 بانك بەرەدى: Halyk Bank، «بانك سەنتركرەديت»، Forte Bank. بۇگىندە جەڭىلدەتىلگەن اۆتوكرەديت بويىنشا قازاقستاندىقتار KIA، Hyundai، Chevrolet، Jاس، LADA كولىكتەرىن الا الادى.