16 مامىر كۇنى ۇزاق ۇزىلىستەن كەيىن جولعا شىعادى.
مەملەكەتارالىق «الماتى – تاشكەنت» پويىزى ۇزاق ۇزىلىستەن كەيىن ءبىرىنشى رەيسىنە شىعادى، دەپ حابارلايدى Almaty-akshamy.kz.
«بۇگىن 18 ساعات 32 مينۋتتا الماتى 2 ۆوكزالىنان «الماتى-تاشكەنت» قاتىناسىنداعى №1/2 حالىقارالىق جولاۋشىلار پويىزى جولعا شىقتى. 24 ۆاگوننان تۇراتىن قۇرام اپتاسىنا 3 رەت قاتىنايتىن بولادى. بيلەتتەر قۇنى مەملەكەتارالىق تاريف بويىنشا بەلگىلەنگەن. باعالاردى www.bءىlet.railways.kz. سايتىنان ناقتىلاۋعا بولادى»، - دەلىنگەن «قازاقستان تەمىر جولى» ۇك» اق باسپا ءسوز قىزمەتىنىڭ حابارلاماسىندا.
27.04.2022 جىلعى شەشىمدى ق ر اۋماعىندا كوروناۆيرۋستىق ىندەتتىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا قابىلدادى. بۇل رەتتە «ق ر مەملەكەتتىك شەكاراسى ارقىلى وتكىزۋ پۋنكتتەرىندەگى شەكتەۋ ءىس-شارالارى تۋرالى» ق ر باس مەملەكەتتىك سانيتاريالىق دارىگەرىنىڭ 29.04.2022 جىلعى №21 قاۋلىسىندا جازىلعان تالاپتاردى ساقتاۋ مىندەتتى.
قازاقستاندىقتار مەن شەتەل ازاماتتارىنىڭ ەلگە تەمىر جول كولىگىمەن كىرۋى ءۇشىن بۇرىنعىداي تەرىس ناتيجەسى بار COVID-19-عا پتر تەستىلەۋدەن وتكەنى تۋرالى انىقتامانىڭ بولۋى مىندەتتى. انىقتاما بەرىلگەن كۇننەن باستاپ 72 ساعاتتان اسپاۋى كەرەك. نەمەسە كوروناۆيرۋستىق ىندەتكە قارسى ەكپە نەمەسە قايتا ەكپە قابىلداۋدىڭ تولىق كۋرسىنان وتكەنى تۋرالى پاسپورت ۇسىنۋ قاجەت (سوڭعى دوزانى العاننان كەيىن 6 ايدان اسپايتىن مەرزىم). ەگەر پتر تەستىنىڭ ناتيجەلەرى نەمەسە COVID-19 ۆاكسيناسياسىنىڭ پاسپورتى بولماسا، وندا جولاۋشىلار ۆاگونعا وتىرعىزۋعا جىبەرىلمەيدى.
ەرتىپ جۇرەتىن ادامدارى بولسا 5 جاسقا دەيىنگى بالالارعا، ق ر ۇكىمەتتىك دەلەگاسيالارىنىڭ جانە لوكوموتيۆ بريگادالارىنىڭ مۇشەلەرىنە انىقتاماسىز ەلگە كىرۋگە رۇقسات ەتىلەدى. سونداي-اق – تەمىرجول، تەڭىز جانە وزەن كولىگىندەگى تاسىمالداۋ قىزمەتىمەن بايلانىستى جانە ەگەر 2 كومپونەنتتى العاننان كەيىن ق ر شەكاراسىن كەسىپ ءوتۋ ساتىندە 6 ايدان اسپاسا، قر-دا قايتا ەكپە قابىلداعان نەمەسە COVID-19-عا قارسى ەكپەنىڭ تولىق كۋرسىن العان ادامدارعا بەرىلەدى. قۇجاتتامالىق راستاۋ مىندەتتى بولىپ تابىلادى. بۇل ەرەجە ەلىمىزدىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس ق ر اۋماعىندا جارامدى دەپ تانىلعان، COVID-19-عا قارسى ۆاكسيناسيا تۋرالى پاسپورت/سەرتيفيكات/انىقتاما ۇسىنعان ادامدارعا دا قولدانىلادى.
جولاۋشىلار پويىزدارىنىڭ قوزعالىس كەستەسى بويىنشا انىقتامالىق اقپاراتتى «1433» ءنومىرى بويىنشا جانە Bilet.railways.kz. سايتىنان الۋعا بولادى.