ەلىمىزدە جەڭىل ونەركاسىپتىڭ نەگىزگى كاپيتالىنا سالىنعان ينۆەستيسيالار 2023 جىلعى قاڭتار-قاراشادا 25 653،4 ملن تەڭگەنى قۇرادى، بۇل 2022 جىلعى ۇقساس كەزەڭمەن سالىستىرعاندا 4،3 ەسە جوعارى.
نەگىزگى كاپيتالعا ينۆەستيسيالاردىڭ ۇلعايۋى بارلىق كىشى سالالاردا بايقالادى. توقىما بۇيىمدارىن وندىرۋدە 3،6 ەسە، كيىم 5،9 ەسەگە، بىلعارى جانە وعان قاتىستى ونىمدەر 16،6 ەسەگە وسكەن، دەپ حابارلايدى اlmaty-akshamy.kz.
وتكەن جىل سوڭىندا تۇركىستان وبلىسىندا ينۆەستيسيا كولەمى 3 ملرد تەڭگە بولاتىن ماقتا وڭدەۋ زاۋىتى، باتىس قازاقستان وبلىسىندا ينۆەستيسيا كولەمى 1 ملرد 300 ملن تەڭگە بولاتىن بيگبەگ ءوندىرىسى جۇمىسىن باستادى. استانا قالاسىنداعى ينۆەستيسيا كولەمى 800 ملن تەڭگەنى قۇراعان تىگىن فابريكاسى، تۇركىستان وبلىسىندا ينۆەستيسيا كولەمى 300 ملن تەڭگە بولاتىن تىگىن فابريكاسى ىسكە قوسىلدى.
جەڭىل ونەركاسىپ كاسىپورىندارى ءۇشىن 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە مەملەكەتتىك قولداۋ شارالارى كورسەتىلەدى.
نەسيەلىك سىياقى مولشەرلەمەسىن سۋبسيديالاۋ قۇرالى شەڭبەرىندە كاسىپكەرگە جىلدىق 8% - بەن كرەديتتەر بەرىلەدى. كرەديت بويىنشا كەپىلمەن قامتاماسىز ەتۋ جەتكىلىكسىز بولعان جاعدايدا ءىشىنارا كەپىلدىك بەرىلەدى.
"قاراپايىم زاتتار ەكونوميكاسى" باعدارلاماسى شەڭبەرىندە نەگىزگى قارىز الۋشىعا 8% دەيىنگى مولشەرلەمە بويىنشا جەڭىلدەتىلگەن كرەديت بەرۋ ۇسىنىلادى.
جاڭا قارجى قۇرالدارىنىڭ ءبىرى "ونەركاسىپتى دامىتۋ قورى" اق ارقىلى جەڭىل ونەركاسىپ جوبالارىن 3% پايىزدىق مولشەرلەمەمەن قارجىلاندىرۋ بولىپ تابىلادى.