2023 جىلى قازاقستاندا 4 يەسىز قالعان بوگەت، 1 سۋ قويماسى جانە 3 توعان مەملەكەت مەنشىگىنە ءوتتى.
بۇل اقتوبە وبلىسىنداعى 4 بوگەت، سونداي-اق شىعىس قازاقستان وبلىسىنداعى 3 توعان مەن سۋ قويماسى. ەلىمىزدە جالپى سانى 22 گيدروتەحنيكالىق نىساننىڭ قاراۋسىز قالعانى انىقتالدى.
ونىڭ ىشىندە 5 نىسان قيراعان جانە ودان ءارى پايدالانۋعا جارامايدى. قالعان 9 نىساندى كوممۋنالدىق مەنشىككە قابىلداۋ بويىنشا جۇمىس ءجۇرىپ جاتىر.
«بىلتىر ەلىمىزدىڭ گيدروتەحنيكالىق نىساندارىنا تۇگەندەۋ جۇرگىزىلدى. ودان كەيىن وبلىس اكىمدىكتەرىمەن بىرلەسىپ ولاردى قالپىنا كەلتىرۋ بويىنشا كەشەندى جوسپار ازىرلەندى. اتالعان جوسپاردى ىسكە اسىرۋ گيدروتەحنيكالىق قۇرىلىستاردىڭ توزۋ ماسەلەسىن شەشۋگە جانە ولاردىڭ قولدانىسقا جارامدىلىعىن ارتتىرۋعا مۇمكىندىك بەرەدى»، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ