پريتون ۇستاۋ مەن جەڭگەتايلىق اۋىر قىلمىس ساناتىنا جاتقىزىلماق.
بۇل ماجىلىستە «ادام ساۋداسىنا قارسى ءىس-قيمىل تۋرالى» زاڭ جوباسىندا كوزدەلگەن. دەپۋتاتتار قۇجاتتى ءبىرىنشى وقىلىمدا ماقۇلدادى، دەپ حابارلايدى Almaty-akshamy.kz 24.kz-كە سىلتەمە جاساپ.
ىشكى ىستەر ءمينيسترى ەرلان سادەنوۆتىڭ ايتۋىنشا، قىلمىستىق كودەكسكە «ادام ساۋداسىمەن بايلانىستى قىلمىستار» ۇعىمى ەنگىزىلەدى. سونداي-اق قاناۋ ماقساتىندا ۇرلاۋ، باس بوستاندىعىنان زاڭسىز ايىرۋ جانە جەزوكشەلىكپەن اينالىسۋعا تارتۋ قىلمىستارى بويىنشا قۇرباندارعا وتەماقى تولەۋ مۇمكىندىگى كورسەتىلگەن. سونىمەن قاتار بالانى بالالار ۇيىنە نەمەسە مەديسينالىق ۇيىمدارعا قالدىرىپ كەتكەن جاعدايدا مەكەمە قىزمەتكەرلەرى دەرەۋ قۇزىرلى ورىندارعا حابارلاسۋى قاجەت. حابارىن بەرمەگەن جاعدايدا، جاۋاپقا تارتىلادى.