164 ەلدىڭ دەلەگاسياسى بۇگىنگى كۇننىڭ ەڭ وزەكتى ماسەلەلەرىن تالقىلاۋ ءۇشىن جينالدى.
بۇل – بالىق شارۋاشىلىعىن سۋبسيديالاۋ، اۋىل شارۋاشىلىعى، پاندەمياعا قاتىستى ءىس-قيمىل، از دامىعان ەلدەردىڭ پروبلەمالارى جانە ازىق-تۇلىك قاۋىپسىزدىگى بويىنشا ماسەلەلەر، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
"بىرىنشىدەن، بۇل - دۇنيەجۇزىلىك ساۋدا ۇيىمىنىڭ پاندەمياعا بەرگەن جاۋابى. بۇل جەردەگى اڭگىمە دارى-دارمەكتى اۆتوماتتى تۇردە ليسەنزيالاۋ، ۇيىمنىڭ ينتەللەكتۋالدى مەنشىك بويىنشا ەرەجەلەرىن جەڭىلدەتۋ تۋرالى بولىپ وتىر. ياعني ءبىر ەلدە جاسالعان ۆاكسينالاردى از تالاپپەن باسقا مەملەكەتتەرگە تاراتۋعا مۇمكىندىك بەرىلمەك. ەكىنشىدەن، ارينە، ازىق-تۇلىك ماسەلەسى. كەيبىر ەلدەر ءوز مۇددەسىن ءبىرىنشى ورىنعا قويىپ، استىق، كۇرىش، ماي جانە باسقا ونىمدەرگە ەكسپورتتىق شەكتەۋ قويۋعا ۇمتىلادى. سونىڭ الدىن الۋ ءۇشىن دۇنيەجۇزىلىك ساۋدا ۇيىمى ءتيىستى دەكلاراسيا قابىلداۋدى جوسپارلاپ وتىر"، - دەدى ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ.
ايتا كەتەيىك، 12ء-شى مينيسترلىك كونفەرەنسياسى جەنيەۆادا 16 ماۋسىمعا دەيىن جالعاسادى.