ماماندار ۆاكسينا ءقاۋىپسىز ءارى ءتيىمدى دەپ وتىر.
اقش-تا بۇدان بىلاي بەس جاسقا تولماعان بالالارعا دا كوروناۆيرۋس ينفەكسياسىنا قارسى ۆاكسينا سالىنۋى مۇمكىن، دەپ حابارلايدى Almaty-akshamy.kz Baq.kz سىلتەمە جاساپ.
ماماندار Pfizer مەن Moderna كومپانيالارىنىڭ كوروناۆيرۋسقا قارسى ۆاكسينالارىنىڭ بالالارعا ارنالعان دوزاسى 5 جاسقا دەيىنگى سابيلەرگە ءقاۋىپسىز ءارى ءتيىمدى دەپ وتىر. ەلدىڭ دەنساۋلىق ساقتاۋ سالاسىنىڭ ۆەدومستۆوسى ارنايى تالداۋ دا جۇرگىزگەن. اتالعان قۇجات جۋىردا جاريالانىپ، جوعارىدا اتالعان پرەپاراتتاردى قولدانۋ داۋىسقا سالىنادى دەلىنگەن.
مينيسترلىك جۇرگىزگەن تالداۋعا سايكەس، امەريكادا كوروناۆيرۋس جۇقتىرۋدىڭ 3%-داي جاعدايى التى اي مەن ءتورت جاسقا دەيىنگى سابيلەر توبىنا تيەسىلى. الايدا وسى توپتىڭ اۋرۋحاناعا جاتقىزىلۋى مەن ءولىم-جىتىم كورسەتكىشتەرى ۇلكەن جاستاعى بالالارعا قاراعاندا جوعارى. بۇل دا ۆاكسينالاۋ سەبەپتەرىنىڭ ءبىرى بولىپ وتىر.
دەرەكتەرگە سايكەس، 30 مىڭنان استام 5 جاسقا تولماعان امەريكالىق بالا ىندەت جۇقتىرىپ، اۋرۋحاناعا تۇسكەن. ونىڭ ىشىندە 500ء-ى قايتىس بولعان.