موديفيكاسيالانعان بيتۋمنىڭ تاجىريبەلىك پارتياسى ءوندىرىلدى.
قازاقستاندىق ماماندار جول قۇرىلىسىنداعى بيتۋمداردىڭ ساپاسىن ارتتىرۋ ءۇشىن وڭتايلى جاعدايلار انىقتالدى، دەپ حابارلايدى Almaty-akshamy.kz.
««قازجولعزي» اق زەرتتەۋ ناتيجەلەرى بويىنشا رەزەڭكە ۇگىندىسىن قوسا وتىرىپ، گۋدروننىڭ توتىعۋ پروسەسىنىڭ وڭتايلى شارتتارى انىقتالدى. وسىلايشا، اسفالتبەتون قوسپالارىن دايىنداۋ ءۇشىن مينەرالدى بولشەكتىڭ قۇرامى تاڭدالدى»،- دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
الىنعان بيتۋمداردىڭ ساپاسىن جاقسارتۋعا جانە تەمپەراتۋرانى تومەندەتۋگە، سونداي-اق ۋاقىتتى ۇنەمدەۋگە مۇمكىندىك بەرەتىن تەحنولوگيا گۋدروننىڭ توتىعۋ پروسەسىنىڭ قولايلى شارتى بولىپ تابىلادى.
تاجىريبەلى ۋچاسكە الماتى قالاسىنىڭ اۆتوموبيل جولىندا ورنالاسقان. وتكەن جىلدىڭ قاراشا ايىنان باستاپ «اسفالتبەتون-1» ج ش س زاۋىتىندا گۋدروندى توتىقتىرۋ جانە ونىڭ نەگىزىندە رەزەڭكە ۇگىندىسى مەن اسفالتبەتون قوسۋ ارقىلى دايىندالعان موديفيكاسيالانعان بيتۋمنىڭ تاجىريبەلىك پارتياسى ءوندىرىلدى. بۇگىنگى تاڭدا ب ءتيپتى اسفالتبەتون قوسپاسىنىڭ 123 ت. تاجىريبەلى پارتياسى شىعارىلدى.
زەرتحانالىق زەرتتەۋ بارىسىندا توتىققان ءارى موديفيكاسيالانعان بيتۋم نەگىزىندە اسفالتبەتون قوسپاسىنىڭ قۇرامى تاڭدالعانىن اتاپ وتكەن ءجون. وسىلايشا، «اسفالتوبەتون-1» ج ش س زاۋىتىندا توتىققان تۇرلەندىرىلگەن بيتۋم پارتياسى شىعارىلىپ، ەلىمىزدىڭ وڭتۇستىك وڭىرىندە تاجىريبەلى ۋچاسكە سالىندى. ءوز كەزەگىندە، بۇل تاجىريبە جۇرگىزىلەتىن جاعدايلاردى قولدانىستاعى شىنايى جاعدايلارعا جاقىنداتۋعا، توتىققان موديفيكاسيالانعان بيتۋمدى قولدانا وتىرىپ، بيتۋمدى بايلانىستىرعىشتاردى تاڭداۋعا مۇمكىندىك بەردى.
ايتا كەتەرلىگى، 2022 جىلدىڭ مامىر ايىندا تاجىريبەلىك ۋچاسكە بازاسىندا مونيتورينگ جۇرگىزىلدى. مونيتورينگ قورىتىندىسى بويىنشا توتىققان بيتۋم قولدانىلعان اسفالتبەتون جابىنى ساپالى، سونداي-اق جابىننىڭ تەگىستىگى بارلىق تالاپتارعا سايكەس كەلەتىنى انىقتالدى.
الىنعان ناتيجەلەر مەن تاجىريبەلىك ۋچاسكەنىڭ مونيتورينگى نەگىزىندە «توتىققان موديفيكاسيالانعان بيتۋم ءوندىرۋ تەحنولوگياسى بويىنشا ۇسىنىمدار» جوباسىنىڭ ءبىرىنشى رەداكسياسى ازىرلەندى.