قازاقستاندىقتاردىڭ جەمقورلىققا دەگەن كوزقاراسى قانداي؟
Transparency International حالىقارالىق جەمقورلىققا قارسى قوزعالىسى بيىلعى «جەمقورلىقتى قابىلداۋ يندەكسى» اتتى زەرتتەۋدىڭ قورىتىندىسىن جاريالادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
رەيتينگتە قازاقستان 100 بالدىڭ ىشىنەن 37 بالل جيناپ، 180 ورىننىڭ ىشىنەن 102-ورىنعا جايعاستى. گامبيا مەن شري-لانكا دا سونداي بالل جيناعان.
بىلتىر قازاقستان 94-ورىنعا تابان تىرەگەن بولاتىن.
جەمقورلىقتى قابىلداۋ يندەكسى دەگەنىمىز – ءارتۇرلى ەلدەردىڭ مەملەكەتتىك سەكتورىندا جەمقورلىققا دەگەن كوزقاراس دەڭگەيىن ولشەيىن يندەكس. ول 1995 جىلدان بەرى جىل سايىن شىعىپ تۇرادى جانە بۇگىندە قوعامدىق سەكتورداعى جەمقورلىقتى باعالاۋ ءۇشىن كەڭىنەن قولدانىلاتىن قۇرال بولىپ كەلەدى.
Transparency International ۇيىمى بۇل يندەكستى الەم بويىنشا تاۋەلسىز ۇيىمدار ۇسىناتىن ساراپشىلىق باعالاۋلار نەگىزىندە قۇراستىرادى. وندا مەملەكەتتەر 0 مەن 100 بالل اراسىنداعى شكالا بويىنشا تىزىمدەلەدى، بۇل جەردە 0 جەمقورلىقتى قابىلداۋدىڭ جوعارى دەڭگەيىن بىلدىرسە، 100 ەڭ تومەن دەڭگەيىن بىلدىرەدى.