«سامۇرىق-قازىنانىڭ» قارىزى 7،5 ترلن تەڭگەدەن اسادى
ءماجىلىس وتىرىسىندا دەپۋتات امانجان جامالوۆ «سامۇرىق-قازىنانىڭ» قازىرگى قارىزى 7 جارىم ترلن تەڭگەدەن اساتىنىن ايتتى، دەپ حابارلايدى اlmaty-akshamy.kz.
بۇل شامامەن 18 ملرد دوللار. ءماجىلىس دەپۋتاتى قوردىڭ جۇمىسىن مۇقيات تەكسەرۋ قاجەتتىگىن ايتىپ وتىر. سوسىن «سامۇرىقتىڭ» بايلىعىن ەلگە تاراتىپ بەرۋ كەرەك دەگەن ۇسىنىسقا دا پىكىر ءبىلدىردى.
– وسى كۇنى قورداعى قارجىنى ءاربىر ادامعا ۇلەستىرىپ بەرۋ تۋرالى ۇسىنىستار ايتىلىپ جاتىر. ءبىر قاراعاندا، جاقسى يدەيا. ءبىراق ەسەپتەي كەلە، «سامۇرىق-قازىنانىڭ» قازىرگى قارجىلىق جاعدايىنداعى مۇنداي ۇلەستەن تۇسەتىن تابىس ايىنا ءبىر ادامعا نەبارى 500 تەڭگەنى قۇرايدى. سول سەبەپتى شۋ كوتەرگەنشە، قوردىڭ نەلىكتەن بۇلاي ءتيىمسىز بولىپ قالعانىن ءجىتى زەرتتەۋ كەرەك، - دەدى ق ر پارلامەنتى ءماجىلىسىنىڭ دەپۋتاتى امانجان جامالوۆ.