جەمقورلىقتى جويۋعا قاتىس

بەلسەندى ازاماتتار سىبايلاس جەمقورلىققا قارسى اعارتۋعا قاتىسا الادى.

سىبايلاس جەمقورلىققا قارسى ءىس-قيمىل اگەنتتىگى ازاماتتاردى سىبايلاس جەمقورلىققا قارسى اعارتۋ جونىندەگى ءىس-شارالارعا بەلسەندى قاتىسۋعا شاقىرادى، دەپ حابارلايدى Almaty-akshamy.kz.

مەملەكەت باسشىسى ءوزىنىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىندا سىبايلاس جەمقورلىقپەن ءتيىمدى كۇرەستى جالعاستىرۋعا شاقىردى. بۇل – بۇكىل حالىقتىڭ ورتاق مىندەتى.
قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى ازاماتتاردى سىبايلاس جەمقورلىققا قارسى اعارتۋ جونىندەگى ءىس-شارالارعا بەلسەندى قاتىسۋعا شاقىرادى.
بارلىق وڭىرلەردە پاراساتتىلىق مادەنيەتىن ىلگەرىلەتۋ جونىندەگى كەشەندى جوسپارلار ىسكە اسىرىلۋدا، ونىڭ شەڭبەرىندە ءبىلىم بەرۋ، مەملەكەتتىك قىزمەت، بيزنەس، مادەنيەت جانە ءدىن باعىتتارى بويىنشا ساراپشىلار مەن لەكتورلار پۋلدارى قۇرىلۋدا.
ولار سىبايلاس جەمقورلىققا قارسى ساياساتتى ءتۇسىندىرۋ جانە ازاماتتاردىڭ ۇسىنىستارىن جيناۋ بويىنشا ءتۇرلى فورماتتاعى 400-دەن استام ءىس-شارا وتكىزدى.
ولاردىڭ ىشىندە «ادالدىق ساعاتى» اكسياسى اياسىندا سىبايلاس جەمقورلىققا قارسى بەينە-دارىستەر شىعارۋ، TEDx فورماتىندا بەلسەندى جاستارمەن جانە مەملەكەتتىك قىزمەتشىلەرمەن كەزدەسۋلەر وتكىزۋ.
سونداي-اق، «Adal kómek» ۆولونتەرلىك قوزعالىسى شەڭبەرىندە سىبايلاس جەمقورلىقپەن بايلانىستى ماسەلەلەر بويىنشا تەگىن زاڭ كونسۋلتاسياسىن بەرۋ جانە الۋ مۇمكىندىگى بەرىلدى.
ازاماتتار اگەنتتىكتىڭ اۋماقتىق دەپارتامەنتتەرىنە جۇگىنۋ ارقىلى قوعامنىڭ سىبايلاس جەمقورلىققا قارسى اعارتۋىنا قاتىسۋعا دايىن ەكەندىكتەرىن بىلدىرە الادى.